ലോകകപ്പ് യോഗ്യതാ മല്‍സരം; അഗ്വേറയില്ല, ഡി മരിയ അര്‍ജന്റീനന്‍ ടീമില്‍
ഈ മാസം 12ന് പരാഗ്വെയ്‌ക്കെതിരേയും 17ന് പെറുവിനെതിരേയുമാണ് അര്‍ജന്റീനയുടെ മല്‍സരങ്ങള്‍.
ബ്യൂണസ് ഐറിസ്: ഈ മാസം നടക്കുന്ന ലോകകപ്പ് യോഗ്യതാ മല്‍സരങ്ങള്‍ക്കായുള്ള അര്‍ജന്റീനന്‍ ടീമിനെ പ്രഖ്യാപിച്ചു. മാസങ്ങള്‍ക്ക് ശേഷം പിഎസ്ജി താരം ഡി മരിയ ടീമില്‍ ഇടംനേടി. പരിക്കിനെ തുടര്‍ന്ന് സിറ്റി താരം സെര്‍ജിയോ അഗ്വേറ, പെസ്ല, ഫൊയ്ത് എന്നിവര്‍ ടീമില്‍ ഇടം നേടിയിട്ടില്ല. ലയണല്‍ മെസ്സി, ലൂക്കാസ് ആലാരിയോ, നിക്കോളസ് ഗോണ്‍സാലസ്, പൗളോ ഡിബാല, ലൗട്ടാരോ മാര്‍ട്ടിന്‍സ്, ലിയാനഡ്രോ പരെഡെസ്, ലൂക്കാസ് മാര്‍ട്ടിന്‍സ്, നിക്കോലസ് ഒട്ടാമെന്‍ഡി, മെഡീനാ എന്നിവരും ടീമില്‍ ഇടം നേടിയിട്ടുണ്ട്. ഈ മാസം 12ന് പരാഗ്വെയ്‌ക്കെതിരേയും 17ന് പെറുവിനെതിരേയുമാണ് അര്‍ജന്റീനയുടെ മല്‍സരങ്ങള്‍. യോഗ്യതാ റൗണ്ടില്‍ ഇതുവരെയുള്ള മല്‍സരങ്ങളില്‍ അര്‍ജന്റീനാ ജയം കണ്ടിരുന്നു.