എട്ടാം തവണയും ജര്‍മ്മന്‍ കിരീടം ഉയര്‍ത്തി ബയേണ്‍ മ്യൂണിക്ക്
ഇന്ന് വെര്‍ഡര്‍ ബ്രെമനെ എതിരില്ലാത്ത ഒരു ഗോളിന് തോല്‍പ്പിച്ചാണ് ക്ലബ്ബ് ചരിത്രത്തിലെ 29ാം കിരീടം ബയേണ്‍ സ്വന്തമാക്കിയത്.
ബെര്‍ലിന്‍: തുടര്‍ച്ചയായി എട്ടാം തവണയും ജര്‍മ്മന്‍ ബുണ്ടസാ ലീഗ് കിരീടം ഉയര്‍ത്തി ബയേണ്‍ മ്യൂണിക്ക്. ഇന്ന് വെര്‍ഡര്‍ ബ്രെമനെ എതിരില്ലാത്ത ഒരു ഗോളിന് തോല്‍പ്പിച്ചാണ് ക്ലബ്ബ് ചരിത്രത്തിലെ 29ാം കിരീടം ബയേണ്‍ സ്വന്തമാക്കിയത്. ബയേണിന്റെ പോളണ്ട് സൂപ്പര്‍ സ്‌ട്രൈക്കര്‍ ലെവന്‍ഡോസ്‌കിയാണ് ഏക ഗോള്‍ നേടിയത്. 43ാം മിനിറ്റില്‍ ബോട്ടെങ് നല്‍കിയ പാസ് ലെവന്‍ഡോസ്‌കി ഗോളാക്കുകയായിരുന്നു. കിരീടം ഉയര്‍ത്തിയ ബയേണിന് 32 മല്‍സരങ്ങളില്‍ നിന്ന് 76 പോയിന്റാണുള്ളത്. രണ്ടാം സ്ഥാനത്ത് ബോറൂസിയാ ഡോര്‍ട്ട്മുണ്ടാണുള്ളത്(66). ആര്‍ പി ലെപ്‌സിഗ് (62), ബോറൂസിയാ മഗ്ലാബഷെ (59). ലീഗില്‍ നിന്ന് പേഡര്‍ബോണ്‍ പുറത്തായി. 32 മല്‍സരങ്ങളില്‍ നിന്ന് 20 പോയിന്റാണുള്ളത്.