ലാസിയോയെ വീഴ്ത്തി ബയേണ്‍ മ്യൂണിക്കും ചാംപ്യന്‍സ് ലീഗ് ക്വാര്‍ട്ടറില്‍
ലെവന്‍ഡോസ്‌കി, ചൗപ്പോ മോട്ടിങ് എന്നിവരാണ് ബയേണിന്റെ സ്‌കോറര്‍മാര്‍.
ബെര്‍ലിന്‍: ഇറ്റാലിയന്‍ ക്ലബ്ബ് ലാസിയോയെ എളുപ്പത്തില്‍ മറികടന്ന് ബയേണ്‍ മ്യൂണിക്ക് ചാംപ്യന്‍സ് ലീഗ് ക്വാര്‍ട്ടറില്‍ കടന്നു. ഇരുപാദങ്ങളിലൂമായി 6-2ന്റെ ജയവുമായാണ് ജര്‍മ്മന്‍ ശക്തികളുടെ ക്വാര്‍ട്ടറിലേക്കുള്ള വരവ്. ആദ്യപാദത്തില്‍ ബയേണ്‍ 4-1ന് ജയിച്ചിരുന്നു. ഇന്ന് നടന്ന രണ്ടാം പാദത്തില്‍ 2-1നും ജയിച്ചു. ലെവന്‍ഡോസ്‌കി, ചൗപ്പോ മോട്ടിങ് എന്നിവരാണ് ബയേണിന്റെ സ്‌കോറര്‍മാര്‍. ചാംപ്യന്‍സ് ലീഗ് ക്വാര്‍ട്ടര്‍ ലൈനപ്പിന്റെ നറുക്ക് വെള്ളിയാഴ്ച രാത്രി നടക്കും.