ടുണീഷ്യയെ തകര്‍ത്തെറിഞ്ഞ് ബ്രസീല്‍; റഫീനയ്ക്ക് ഡബിള്‍
റിച്ചാര്‍ലിസണ്‍, നെയ്മര്‍, പെഡ്രോ എന്നിവരും സ്‌കോര്‍ ചെയ്തു.
സാവോപോളോ: ലോകകപ്പിന് മുന്നേയുള്ള അവസാന അന്താരാഷ്ട്ര സൗഹൃദ മല്‍സരത്തില്‍ ബ്രസീലിന് തകര്‍പ്പന്‍ ജയം. ടുണീഷ്യയെ 5-1നാണ് ബ്രസീല്‍ പരാജയപ്പെടുത്തിയത്. റഫീന മല്‍സരത്തില്‍ ഇരട്ട ഗോള്‍ നേടി. റിച്ചാര്‍ലിസണ്‍, നെയ്മര്‍, പെഡ്രോ എന്നിവരും സ്‌കോര്‍ ചെയ്തു.
മറ്റ് മല്‍സരങ്ങളില്‍ മെക്‌സിക്കോയെ കൊളംബിയ 3-2ന് പരാജയപ്പെടുത്തി.പരാഗ്വെ-മൊറോക്കോ മല്‍സരവും സൗദി-അമേരിക്കാ മല്‍സരവും ഗോള്‍ രഹിത സമനിലയില്‍ കലാശിച്ചു. നൈജീരിയയെ അല്‍ജീരിയെ 2-1നും ലൈബീരിയയെ ഈജിപ്ത് എതിരില്ലാത്ത മൂന്ന് ഗോളിനും പരാജയപ്പെടുത്തി. ഖത്തര്‍-ചിലി മല്‍സരവും സമനിലയില്‍ കലാശിച്ചു.
വെനിസ്വേല യുഎഇയെ എതിരില്ലാത്ത നാല് ഗോളിനും കാനഡയെ ഉറുഗ്വെ എതിരില്ലാത്ത രണ്ട് ഗോളിനും പരാജയപ്പെടുത്തി.