ക്രൊയേഷ്യന്‍ ക്ലബ്ബിന് മുന്നില്‍ ചെല്‍സി വീണു; ചാംപ്യന്‍സ് ലീഗില്‍ തോല്‍വി
ഡോര്‍ട്ട്മുണ്ട് ഡാനിഷ് ക്ലബ്ബ് എഫ് സി കൊഫന്‍ഹേഗനെ എതിരില്ലാത്ത മൂന്ന് ഗോളിന് പരാജയപ്പെടുത്തി.
സ്റ്റാംഫോഡ് ബ്രിഡ്ജ്: ചാംപ്യന്‍സ് ലീഗില്‍ ഇംഗ്ലിഷ് പ്രമുഖരായ ചെല്‍സിക്ക് തോല്‍വിയോടെ തുടക്കം. ക്രൊയേഷ്യന്‍ ക്ലബ്ബ് ഡൈനാമോ സെഗറിബ് എതിരില്ലാത്ത ഒരു ഗോളിന് ചെല്‍സിയെ വീഴ്ത്തി. 13ാം മിനിറ്റില്‍ ഒറസിക്ക് സെഗറിബിന്റെ വിജയഗോള്‍ നേടി. ഗ്രൂപ്പ് ഇയില്‍ നടന്ന മല്‍സരത്തില്‍ എല്ലാ തരത്തിലും ചെല്‍സി മുന്‍തൂക്കം നേടിയെങ്കിലും ഗോള്‍ മാത്രം പിറന്നില്ല. ഗോള്‍ സൃഷ്ടിക്കാന്‍ കഴിയാത്ത പ്രീമിയര്‍ ലീഗിലെ അതേ അവസ്ഥ ചെല്‍സി ചാംപ്യന്‍സ് ലീഗിലും തുടര്‍ന്നു.
ഗ്രൂപ്പ് ജിയില്‍ നടന്ന മല്‍സരത്തില്‍ ജര്‍മ്മന്‍ ക്ലബ്ബ് ബോറൂസിയാ ഡോര്‍ട്ട്മുണ്ട് ഡാനിഷ് ക്ലബ്ബ് എഫ് സി കൊഫന്‍ഹേഗനെ എതിരില്ലാത്ത മൂന്ന് ഗോളിന് പരാജയപ്പെടുത്തി.