എന്‍സോ ഫെര്‍ണാണ്ടസിനായി ചെല്‍സിയും രംഗത്ത്; വിട്ടുകൊടുക്കില്ലെന്ന് ബെന്‍ഫിക്ക
ഈ ട്രാന്‍സ്ഫര്‍ വിപണിയില്‍ ഏവരും ഉറ്റുനോക്കുന്ന താരമാണ് ഫെര്‍ണാണ്ടസ്.
ലിസ്ബണ്‍:അര്‍ജന്റീനയ്ക്ക് ലോകകപ്പ് നേടികൊടുക്കുന്നതില്‍ നിര്‍ണ്ണായക പ്രകടനം കാഴ്ചവച്ച താരങ്ങളില്‍ ഒരാളായ എന്‍സോ ഫെര്‍ണാണ്ടസിനായി ചെല്‍സിയും രംഗത്ത്. നേരത്തെ മാഞ്ചസ്റ്റര്‍ യുനൈറ്റഡ്, ലിവര്‍പൂള്‍, റയല്‍ മാഡ്രിഡ് എന്നീ മൂന്ന് ക്ലബ്ബുകളും ബെന്‍ഫിക്കാ താരമായ ഫെര്‍ണ്ടസിന് വേണ്ടി മുന്നിലുണ്ടായിരുന്നു. എന്നാല്‍ ചെല്‍സിയാണ് ഇന്ന് താരത്തിനായി ആദ്യ ഓഫര്‍ നല്‍കിയത്.
ജനുവരി ട്രാന്‍സ്ഫര്‍ ജാലകം അവസാനിക്കാന്‍ രണ്ട് ദിവസം ശേഷിക്കെയാണ് ചെല്‍സി മുന്നോട്ട് വരുന്നത്. ഈ ലോകകപ്പിലെ മികച്ച യുവതാരമായ ഫെര്‍ണാണ്ടസിന് ചെല്‍സിയിലേക്ക് ചേക്കേറാന്‍ താല്‍പ്പര്യമുണ്ടെന്ന് അറിയിച്ചിട്ടുണ്ട്. 105 മില്ല്യണ്‍ യൂറോയാണ് ബെന്‍ഫിക്ക ഫെര്‍ണാണ്ടസിനായി ആവശ്യപ്പെടുന്നത്. എന്നാല്‍ ഈ സീസണില്‍ ഒരു തരത്തിലും താരത്തെ വിട്ടുകൊടുക്കില്ലെന്ന് കഴിഞ്ഞ ദിവസം ബെന്‍ഫിക്ക അറിയിച്ചിരുന്നു. ഈ ട്രാന്‍സ്ഫര്‍ വിപണിയില്‍ ഏവരും ഉറ്റുനോക്കുന്ന താരമാണ് ഫെര്‍ണാണ്ടസ്.