ഇംഗ്ലിഷ് പ്രീമിയര്‍ ലീഗ്; ബ്ലൂസിനെ തകര്‍ത്തെറിഞ്ഞ് ലീഡ്‌സ്
മറ്റൊരു മല്‍സരത്തില്‍ ബ്രിങ്ടണ്‍ വെസ്റ്റ്ഹാമിനെ എതിരില്ലാത്ത രണ്ട് ഗോളിന് പരാജയപ്പെടുത്തി.
ഏലാന്റ് റോഡ്: ഇംഗ്ലിഷ് പ്രീമിയര്‍ ലീഗില്‍ ചെല്‍സിക്ക് വമ്പന്‍ തോല്‍വി. ലീഡ്‌സ് യുനൈറ്റഡിനെതിരേ മൂന്ന് ഗോളിന്റെ തോല്‍വിയാണ് ചെല്‍സി വഴങ്ങിയത്. പന്തടക്കത്തില്‍ 61 ശതമാനം മുന്നിട്ട് നിന്നിട്ടും കിട്ടിയ അവസരങ്ങള്‍ മുതലക്കാന്‍ ടുഷേലിന്റെ ചെല്‍സിയ്ക്കായില്ല. ലീഡ്‌സാവട്ടെ കിട്ടിയ ആറില്‍ മൂന്ന് അവസരങ്ങളും സ്‌കോര്‍ ചെയ്തു.ചെല്‍സിയുടെ ഗോള്‍ കീപ്പര്‍ എഡ്വാര്‍ഡ് മെന്‍ഡിയുടെ മോശം ഗോള്‍ കീപ്പിങും ടീമിന് തിരിച്ചടിയായി.84ാം മിനിറ്റില്‍ കൗലിബേ ചുവപ്പ് കാര്‍ഡ് പുറത്തായതും ചെല്‍സിക്ക് പ്രഹരമായി. മറ്റൊരു മല്‍സരത്തില്‍ ബ്രിങ്ടണ്‍ വെസ്റ്റ്ഹാമിനെ എതിരില്ലാത്ത രണ്ട് ഗോളിന് പരാജയപ്പെടുത്തി.