എല്‍ ക്ലാസ്സിക്കോയില്‍ റയല്‍ മാഡ്രിഡിന് ചരിത്ര ജയം
ഇന്ന് സ്പാനിഷ് ലീഗില്‍ ബാഴ്‌സലോണയെ എതിരില്ലാത്ത രണ്ട് ഗോളുകള്‍ക്കാണ് റയല്‍ മാഡ്രിഡ് തോല്‍പ്പിച്ചത്.
സാന്റിയാഗോ ബെര്‍ണാബ്യൂ: 2020ല്‍ ആദ്യ എല്‍ ക്ലാസ്സിക്കോ റയല്‍ മാഡ്രിഡിന്. ഇന്ന് സ്പാനിഷ് ലീഗില്‍ ബാഴ്‌സലോണയെ എതിരില്ലാത്ത രണ്ട് ഗോളുകള്‍ക്കാണ് റയല്‍ മാഡ്രിഡ് തോല്‍പ്പിച്ചത്. ബാഴ്‌സലോണയ്‌ക്കെതിരേ കഴിഞ്ഞ നാല് മല്‍സരങ്ങളിലും തോറ്റ റയല്‍ ഇന്ന് മറ്റൊരു ചരിത്ര നേട്ടവും സ്വന്തമാക്കി. ആറ് വര്‍ഷത്തിന് ശേഷമാണ് റയലിന്റെ തട്ടകത്തില്‍ ബാഴ്‌സലോണയെ പരാജയപ്പെടുത്തത്. വിനീഷ്യസ് ജൂനിയര്‍(71), മരിയാനോ ഡയാസ്(90) എന്നിവരുടെ ഗോളിലാണ് റയലിന്റെ ജയം. ജയത്തോടെ സ്പാനിഷ് ലീഗില്‍ അവര്‍ ഒന്നാമതെത്തി. ഡിസംബറില്‍ നടന്ന എല്‍ ക്ലാസ്സിക്കോ സമനിലയില്‍ കലാശിച്ചിരുന്നു.ബാഴ്‌സ തനത് കളി പുറത്തെടുത്തിട്ടും ഭാഗ്യം ഇന്ന് റയലിനെ തുണയ്ക്കുകയായിരുന്നു.