ലണ്ടന്‍: യൂറോപാ ലീഗില്‍ ഇംഗ്ലിഷ് ക്ലബ്ബായ ചെല്‍സിക്കും ഇറ്റാലിയന്‍ ക്ലബ്ബായ ഇന്ററിനും ജയം. ചെല്‍സി സ്വീഡിഷ് ക്ലബ്ബായ മാല്‍മോ എഫ്എഫിനെ 2-1ന് തോല്‍പ്പിച്ചു. ചെല്‍സിക്കുവേണ്ടി ബര്‍ക്കലേ(30), ജിറൗഡ്(58) എന്നിവരാണ് ഗോള്‍ നേടിയത്. ആസ്‌ത്രേലിയന്‍ ക്ലബ്ബായ റാപ്പിഡ് വിയ്യന്നയെ 1-0ത്തിനാണ് ഇന്റര്‍ തോല്‍പ്പിച്ചത്. ഇന്ററിനുവേണ്ടി മാര്‍ട്ടിന്‍സ്(39) ആണ് ഗോള്‍ നേടിയത്. സെല്‍റ്റിക്കിനെതിരായ മല്‍സരത്തില്‍ സ്പാനിഷ് ക്ലബ്ബ് വലന്‍സിയ 2-0ത്തിന് ജയിച്ചു. ഇറ്റാലിയന്‍ ക്ലബ്ബ് ലാസിയോക്കോതിരേ സെവിയ്യ 1-0ത്തിന് ജയിച്ചു. ബെലാറഷ്യന്‍ പ്രീമിയര്‍ ലീഗ് ക്ലബ്ബായ ബേറ്റ് ബോറിസോവ് ആഴ്‌സണലിനെ തോല്‍പ്പിച്ചു. 1-0ത്തിനാണ് ആഴ്‌സണലിന്റെ തോല്‍വി.