പാരിസ്: ഫ്രഞ്ച് സൂപ്പര്‍ താരവും റയല്‍ മാഡ്രിഡ് സ്‌ട്രൈക്കറുമായി കിലിയന്‍ എംബാപ്പെയ്‌ക്കെതിരേ ലൈംഗികാരോപണം. സ്വീഡനില്‍ ആണ് താരത്തിനെതിരേ ആരോപണം. വൈദ്യ സഹായം തേടിയതിന് ശേഷമാണ് ഇര സ്വീഡിഷ് പോലിസിന് പരാതി നല്‍കുന്നത്. പരാതിയില്‍ അന്വേഷണം നടത്തിയ പോലിസ് റിപ്പോര്‍ട്ട് നല്‍കിയിട്ടുണ്ട്. സംഭവത്തെ കുറിച്ച് കൂടുതല്‍ വിവരങ്ങള്‍ പുറത്ത് വിട്ടിട്ടില്ല. സ്വീഡിഷ് പത്രമായ എക്‌സ്‌പ്രെസെനാണ് വാര്‍ത്ത പുറത്ത് വിട്ടത്. എംബാപ്പെയെ പ്രതിയെന്നാണ് പത്രം അഭിസംബോധന ചെയ്തത്. അടുത്തിടെ താരം സ്വീഡിനിലെ സ്റ്റോക്ക്‌ഹോം സന്ദര്‍ശിച്ചിരുന്നു. ഈ സമയത്താണ് ആരോപണത്തിന് അടിസ്ഥാനമായ സംഭവം നടന്നത്. ഇക്കഴിഞ്ഞ ഒക്ടോബര്‍ 10നാണ് താരവും സുഹൃത്തുക്കളും സ്‌റ്റോക്ക് ഹോം സന്ദര്‍ശിച്ചത്. അതിനിടെ വാര്‍ത്ത വ്യാജമാണെന്നും സ്വീഡിഷ് പത്രത്തിനെതിരേ കേസ് നല്‍കുമെന്നും എംബാപ്പെ അറിയിച്ചു. വിവാദത്തെ തുടര്‍ന്ന് റയല്‍ മാഡ്രിഡ് അടിയന്തര മീറ്റിങ് വിളിച്ചിട്ടുണ്ട്.