ട്വിറ്ററില്‍ ആഘോഷമായി ഗുജറാത്ത് ടൈറ്റന്‍സിന്റെ ഈദ് ആശംസകള്‍
ഐപിഎല്ലിലെ പുതിയ ഫ്രാഞ്ചൈസിയായ ഗുജറാത്ത് ടൈറ്റന്‍സ് ലീഗില്‍ ഒന്നാം സ്ഥാനത്താണ്.
മുംബൈ: ട്വിറ്ററില്‍ തരംഗമായി ഗുജറാത്ത് ടൈറ്റന്‍സിന്റെ ഈദ് ആശംസകള്‍. ഇന്ന് മുംബൈയിലെ സ്വകാര്യ ഹോട്ടലില്‍ ആണ് താരങ്ങളുടെ ഈദ് ആഘോഷം നടന്നത്. പരമ്പരാഗത ഇന്ത്യന്‍ വസ്ത്രങ്ങള്‍ ധരിച്ച താരങ്ങള്‍ പരസ്പരം ആശംസകള്‍ അറിയിക്കുന്നതിന്റെ വീഡിയോ ആണ് പങ്ക് വച്ചത്. ഐപിഎല്ലിലെ പുതിയ ഫ്രാഞ്ചൈസിയായ ഗുജറാത്ത് ടൈറ്റന്‍സ് ലീഗില്‍ ഒന്നാം സ്ഥാനത്താണ്. ഹമാരി പെഹലി ഈദ്-ഗുജറാത്ത് ടൈറ്റന്‍സിന്റെ വക എല്ലാവര്‍ക്കും ഈദ് ആശംസകള്‍ എന്നാണ് താരങ്ങള്‍ ട്വിറ്ററില്‍ കുറിച്ചത്.അഫ്ഗാന്‍ താരം റാഷിദ് ഖാന്‍, മുഹമ്മദ് ഷമി എന്നിവരടങ്ങുന്ന താരങ്ങള്‍ പരസ്പരം ആശംസകള്‍ അറിയിക്കുകയും മധുരം കൈമാറുകയും ചെയ്തു. ചെന്നൈ സൂപ്പര്‍ കിങ്‌സും ട്വിറ്ററില്‍ ആശംസ അറിയിച്ചു.
