ഹിഗ്വയ്ന്‍ ചെല്‍സിയിലേക്ക്
ഇറ്റാലിയന്‍ ലീഗിലെ ഗോള്‍ മെഷീനാണ് അര്‍ജന്റീനിയന്‍ താരമായ ഹിഗ്വയ്ന്‍. നേരത്തെ തന്നെ ചെല്‍സി ഹിഗ്വയ്‌നായി വലവിരിച്ചിരുന്നു.
ലണ്ടന്‍: എസി മിലാന്‍ താരം ഗോണ്‍സാലോ ഹിഗ്വയ്ന്‍ ഇംഗ്ലിഷ് ക്ലബ്ബായ ചെല്‍സിയുമായി കരാര്‍ ഒപ്പിട്ടു. ഇറ്റാലിയന്‍ ക്ലബ്ബില്‍ കളിക്കുന്ന താരം ചെല്‍സിയിലേക്ക് പോവാന്‍ നേരത്തെ താല്‍പ്പര്യം പ്രകടിപ്പിച്ചിരുന്നു. നിലവില്‍ ചെല്‍സിയില്‍ സ്‌ട്രൈക്കറുടെ അഭാവമുണ്ട്. സീസണില്‍ ക്ലബ്ബിലെ സ്‌ട്രൈക്കര്‍മാര്‍ ഫോമിലെത്താത്തത് ചെല്‍സിയെ കാര്യമായി ബാധിച്ചിരുന്നു.ഇറ്റാലിയന്‍ ലീഗിലെ ഗോള്‍ മെഷീനാണ് അര്‍ജന്റീനിയന്‍ താരമായ ഹിഗ്വയ്ന്‍. നേരത്തെ തന്നെ ചെല്‍സി ഹിഗ്വയ്‌നായി വലവിരിച്ചിരുന്നു. താന്‍ മുമ്പ് കളിച്ച നപ്പോളി ക്ലബ്ബിന്റെ കോച്ച് മൗറീസിയോ സാരിയാണ് ചെല്‍സിയുടെ ഇപ്പോഴത്തെ കോച്ച്. സാരിയുടെ കീഴില്‍ 2015-16 സീസണില്‍ ഹിഗ്വയ്ന്‍ 36 ഗോളുകള്‍ നേടിയിരുന്നു.
2016ലാണ് താരം യുവന്റസിലെത്തുന്നത്. ഇവിടെ നിന്ന് ലോണ്‍അടിസ്ഥാനത്തിലാണ് മിലാനിലെത്തുന്നത്. എന്നാല്‍ മിലാനില്‍ താരത്തിന് വേണ്ടത്ര തിളങ്ങാന്‍ സാധിച്ചിരുന്നില്ല.