വിദാലിന് കൊവിഡ്; അര്‍ജന്റീനയ്‌ക്കെതിരേ കളിക്കില്ല
കോപ്പാ അമേരിക്കയ്ക്ക് മുമ്പ് വിദാല്‍ ടീമില്‍ തിരിച്ചെത്തുമെന്നാണ് ചിലി ആരാധകരുടെ വിശ്വാസം.
സാന്റിയാഗോ: ചിലിയുടെ ഇന്റര്‍മിലാന്‍ താരം ആര്‍തുറോ വിദാലിന് കൊവിഡ് സ്ഥിരീകരിച്ചു. ഇതോടെ വ്യാഴ്ച നടക്കുന്ന ലോകകപ്പ് യോഗ്യതാ മല്‍സരത്തില്‍ അര്‍ജന്റീനയക്കെതിരേ താരം കളിക്കില്ല. എന്നാല്‍ ടീമിലെ മറ്റ് താരങ്ങളെല്ലാം നെഗറ്റീവാണെന്ന് ടീം മാനേജ്‌മെന്റ് അറിയിച്ചു. അടുത്തിടെയാണ് താരം കൊവിഡ് വാക്‌സിന്‍ സ്വീകരിച്ചത്. ഈയാഴ്ച തന്നെ നടക്കുന്ന ബൊളീവിയക്കെതിരായ മല്‍സരവും താരത്തിന് നഷ്ടമാവും. കോപ്പാ അമേരിക്കയ്ക്ക് മുമ്പ് വിദാല്‍ ടീമില്‍ തിരിച്ചെത്തുമെന്നാണ് ചിലി ആരാധകരുടെ വിശ്വാസം.