ഹൈദരാബാദിന്റെ കരാര്‍ നീട്ടി സാഹില്‍; ഒഡീഷയ്ക്ക് പുതിയ സഹ പരിശീലകന്‍
മുന്‍ ഇന്ത്യന്‍ താരം ക്ലിഫോര്‍ഡ മിറാന്‍ഡയെ ഒഡീഷാ എഫ്‌സി സഹ പരിശീലകനായി നിയമിച്ചു.
പനാജി: മധ്യനിര താരം സാഹില്‍ തവോറയുടെ കരാര്‍ രണ്ട് വര്‍ഷത്തേക്ക് നീട്ടി ഇന്ത്യന്‍ സൂപ്പര്‍ ലീഗ് ക്ലബ്ബ് ഹൈദരാബാദ് എഫ്‌സി. 26കാരനായ ഗേവന്‍ താരം കഴിഞ്ഞ സീസണിലെ ഫൈനലില്‍ കേരളത്തിനെതിരേ 88ാം മിനിറ്റില്‍ സ്‌കോര്‍ ചെയ്തിരുന്നു. ഈ ഗോളിന്റെ മികവിലാണ് മല്‍സരം പെനാല്‍റ്റി ഷൂട്ടൗട്ടിലേക്ക് നീങ്ങിയതും കേരളം പരാജയപ്പെട്ടതും. മുമ്പ് താരം മുംബൈ സിറ്റിയ്ക്കായും കളിച്ചിരുന്നു.
മുന്‍ ഇന്ത്യന്‍ താരം ക്ലിഫോര്‍ഡ മിറാന്‍ഡയെ ഒഡീഷാ എഫ്‌സി സഹ പരിശീലകനായി നിയമിച്ചു. 39കാരനായ താരം ജൂലായ് ഒന്നിന് ചുമതലയേല്‍ക്കും.
From Odisha with love, Clifford Miranda 💜#OdishaFC #AmaTeamAmaGame #WelcomeClifford #CliffordMiranda pic.twitter.com/Desp7rc1a9
— Odisha FC (@OdishaFC) June 28, 2022