പിഎസ്ജിക്കായി 100ാം ഗോളുമായി കിലിയന്‍ എംബാപ്പെ
ഇറ്റാലിയന്‍ സീരി എയില്‍ യുവന്റസ് ടൊറീനോയെ 2-1ന് തോല്‍പ്പിച്ചു.
പാരിസ്: പിഎസ്ജിക്കായി 100ാം ഗോള്‍ നേടി ഫ്രഞ്ച് താരം കിലിയന്‍ എംബാപ്പെ. ഇന്ന് മോന്റിപെല്ലിയറിനെതിരേയാണ് എംബാപ്പെയുടെ നേട്ടം. ഇഞ്ചുറിടൈമിലേ ഗോളാണ് എംബാപ്പെയുടെ 100ാം ഗോള്‍. മല്‍സരത്തില്‍ പിഎസ്ജി 3-1ന് മോന്റിപെല്ലിയറിനെ തോല്‍പ്പിച്ചു. ഡാഗ്ബാ, കീന്‍ എന്നിവരാണ് പിഎസ്ജിയ്ക്കായി ഗോള്‍ നേടിയ മറ്റ് താരങ്ങള്‍. ലീഗില്‍ പിഎസ്ജിയാണ് ഒന്നാം സ്ഥാനത്ത് തുടരുന്നത്.
ഇറ്റാലിയന്‍ സീരി എയില്‍ യുവന്റസ് ടൊറീനോയെ 2-1ന് തോല്‍പ്പിച്ചു. ഇന്ന് നടന്ന മല്‍സരത്തില്‍ മക്കെനീ, ബൗണ്‍സി എന്നിവരാണ് യുവന്റസിനായി വലകുലിക്കയത്. യുവന്റസ് ലീഗില്‍ മൂന്നാം സ്ഥാനത്താണ്. മറ്റൊരു മല്‍സരത്തില്‍ ഇന്റര്‍മിലാന്‍ ബോള്‍ഗാനയെ 3-1ന് തോല്‍പ്പിച്ചു. ലൂക്കാക്കൂ, ഹക്കിമി(ഡബിള്‍) എന്നിവരാണ് ഇന്ററിന്റെ സ്‌കോറര്‍മാര്‍. ഇന്റര്‍ ലീഗില്‍ രണ്ടാം സ്ഥാനത്താണ്. എസി മിലാനാണ് ഒന്നാമതുളളത്.
ജര്‍മ്മന്‍ ബുണ്ടസാ ലീഗില്‍ ആര്‍ ബി ലെപ്‌സിഗ് ബയേണ്‍ മ്യൂണിക്കിനെ 3-3 സമനിലയില്‍ പിടിച്ചു. ബയേണ്‍ ലീഗില്‍ ഒന്നാമതും ലെപ്‌സിഗ് രണ്ടാമതുമാണ്.