മിലാന് ഡെര്‍ബി എസി മിലാന്; എംബാപ്പെ ഡബിളില്‍ പിഎസ്ജി
മെസ്സിയാണ് രണ്ട് ഗോളിനും അസിസ്‌റ്റൊരുക്കിയത്.
മിലാന്: സീസണിലെ ആദ്യ മിലാന് ഡെര്‍ബിയില്‍ ജയം എസി മിലാനൊപ്പം. ഇന്റര്‍മിലാനെ 3-2ന് പരാജയപ്പെടുത്തിയാണ് എസി മിലാന് ഡെര്‍ബി സ്വന്തമാക്കിയത്. മല്‍സരത്തില്‍ ലീഡെടുത്തത് ഇന്ററായിരുന്നു. എന്നാല്‍ പിന്നീട് എസി മിലാന് തിരിച്ചടിച്ചു. റാഫേല്‍ ലിയോ എസി മിലാനായി ഇരട്ട ഗോള്‍ നേടി. മറ്റൊരു ഗോള്‍ ഒലിവര്‍ ജിറൗഡിന്റെ വകയായിരുന്നു. മാര്‍സലോ ബ്രോസോവിച്ച്, എഡിന്‍ ഡെസ്‌ക്കോ എന്നിവരാണ് ഇന്ററിന്റെ സ്‌കോറര്‍മാര്‍.
ഫ്രഞ്ച് ലീഗ് വണ്ണില്‍ പിഎസ്ജി ടോപ് വണ്ണില്‍ തുടരുന്നു.നാന്റീസിനെ എതിരില്ലാത്ത മൂന്ന് ഗോളിന് പിഎസ്ജി പരാജയപ്പെടുത്തി.കിലിയന്‍ എംബാപ്പെ മല്‍സരത്തില്‍ ഇരട്ട ഗോള്‍ നേടി.മെസ്സിയാണ് രണ്ട് ഗോളിനും അസിസ്‌റ്റൊരുക്കിയത്. ടാവറസ് മെന്‍ഡിസ് മൂന്നാം ഗോള്‍ നേടി.