ലോകകപ്പ് യോഗ്യത; അര്‍ജന്റീനന്‍ സ്‌ക്വാഡില്‍ നിന്ന് മെസ്സി പുറത്തായേക്കും
അതിനിടെ നാളെ നടക്കുന്ന ബ്രീസ്റ്റിനെതിരായ മല്‍സരത്തില്‍ മെസ്സി കളിക്കില്ലെന്ന് പിഎസ്ജി അറിയിച്ചു.
ബ്യൂണസ് ഐറിസ്: ഈ മാസം അവസാനവും അടുത്ത മാസവുമായി നടക്കുന്ന ലോകകപ്പ് യോഗ്യതാ മല്‍സരങ്ങളില്‍ നിന്ന് അര്‍ജന്റീന്‍ സൂപ്പര്‍ താരം ലയണല്‍ മെസ്സിയെ കോച്ച് സ്‌കലോണി ഒഴിവാക്കിയേക്കുമെന്ന് റിപ്പോര്‍ട്ട്. ഇക്കാര്യം മെസ്സിയെ കോച്ച് അറിയിച്ചിട്ടുണ്ട്. സ്‌കലോണിയുടെ തീരുമാനത്തിന് മെസ്സി സമ്മതം മൂളിയെന്നും പിഎസ്ജിക്കൊപ്പം തുടരാനാണ് ആഗ്രഹമെന്ന് താരം അറിയിച്ചതായും ഫ്രഞ്ച് മാധ്യമം മുണ്ടോ ആല്‍ബിസെലെസ്റ്റ് വ്യക്തമാക്കുന്നു. നേരത്തെ തന്നെ ലോകകപ്പ് യോഗ്യത ഉറപ്പിച്ച അര്‍ജന്റീനയുടെ മല്‍സരങ്ങള്‍ ചിലി, കൊളംബിയ എന്നിവര്‍ക്കെതിരേയാണ്. കൊവിഡില്‍ നിന്ന് മുക്തനായ മെസ്സിക്ക് പിഎസ്ജിയുടെ ഇനിയുള്ള മല്‍സരങ്ങള്‍ നിര്‍ണ്ണായകമാണ്. ഫെബ്രുവരി പകുതിയോടെ ചാംപ്യന്‍സ് ലീഗ് ആദ്യ പാദ മല്‍സരവും വരുന്നുണ്ട്.
അതിനിടെ നാളെ നടക്കുന്ന ബ്രീസ്റ്റിനെതിരായ മല്‍സരത്തില്‍ മെസ്സി കളിക്കില്ലെന്ന് പിഎസ്ജി അറിയിച്ചു. കൊവിഡ് മുക്തനായെങ്കിലും താരത്തിന് വിശ്രമം ആവശ്യമാണെന്ന് പിഎസ്ജി വ്യക്തമാക്കി.