ഇത്തിഹാദില്‍ ഇന്ന് മാഞ്ചസ്റ്റര്‍ ഡെര്‍ബി
താരം ഇന്ന് സിറ്റിക്കെതിരേ കളിക്കില്ലെന്ന് യുനൈറ്റഡ് അറിയിച്ചു.
ഇത്തിഹാദ്: ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിയും മാഞ്ചസ്റ്റര്‍ യുനൈറ്റഡും അണിനിരക്കുന്ന മാഞ്ചസ്റ്റര്‍ ഡെര്‍ബി ഇന്ന്. രാത്രി 10ന് സിറ്റിയുടെ ഹോം ഗ്രൗണ്ടായ ഇത്തിഹാദിലാണ് മല്‍സരം. ഒന്നാം സ്ഥാനത്താണെങ്കിലും കിരീട നേട്ടത്തില്‍ നില പരുങ്ങലായ സിറ്റിക്ക് ഇന്ന് ജയത്തില്‍ കുറഞ്ഞതൊന്നും വേണ്ട. ലീഗില്‍ 66 പോയിന്റുമായി സിറ്റി ഒന്നാം സ്ഥാനത്താണെങ്കിലും അവര്‍ക്ക് മൂന്ന് പോയിന്റിന്റെ ലീഡ് മാത്രമാണുള്ളത്.
നാലാം സ്ഥാനത്തുള്ള മാഞ്ചസ്റ്റര്‍ യുനൈറ്റഡിനാവട്ടെ നാലാം സ്ഥാനം സുരക്ഷിതമല്ല. ചാംപ്യന്‍സ് ലീഗ് യോഗ്യതയ്ക്കായി ടോപ് ഫോര്‍ ഉറപ്പിക്കേണ്ടതുണ്ട്. വന്‍ ജയം തന്നെയാണ് യുനൈറ്റഡിന്റെ ലക്ഷ്യം.സൂപ്പര്‍ താരം ക്രിസ്റ്റ്യാനോ റൊണാള്‍ഡോ ടീമിനൊപ്പമില്ല. താരം ഇന്ന് സിറ്റിക്കെതിരേ കളിക്കില്ലെന്ന് യുനൈറ്റഡ് അറിയിച്ചു. യുവതാരങ്ങളിലാണ് യുനൈറ്റഡ് പ്രതീക്ഷ.മല്‍സരത്തില്‍ മുന്‍തൂക്കം സിറ്റിക്ക് തന്നെയാണ്.