പ്രീമിയര്‍ ലീഗ്; മാഞ്ചസ്റ്ററിന് തകര്‍പ്പന്‍ ജയം; ആഴ്‌സണലിന് സമനില
മാസോണ്‍ ഗ്രീന്‍വുഡ് ഇരട്ട ഗോള്‍ നേടി.
സ്റ്റാംഫോഡ് ബ്രിഡ്ജ്: ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ യുനൈറ്റഡിന് തകര്‍പ്പന്‍ ജയം. ബേര്‍ണലിയെ 3-1ന് തോല്‍പ്പിച്ചാണ് സോള്‍ഷ്യറുടെ ടീമിന്റെ കുതിപ്പ്.ജയത്തോടെ ഒന്നാം സ്ഥാനത്തുള്ള സിറ്റിയുമായുള്ള(74) യുനൈറ്റഡിന്റെ(66) പോയിന്റ് അന്തരം എട്ടായി കുറഞ്ഞു. മല്‍സരത്തില്‍ മാസോണ്‍ ഗ്രീന്‍വുഡ് ഇരട്ട ഗോളും കവാനി ഒരു ഗോളും നേടി. റാഷ്‌ഫോഡ്, പോഗ്‌ബെ, വാന്‍ ഡീ ബീക്ക് എന്നിവര്‍ ഗോളുകള്‍ക്ക് അസിസ്റ്റ് ഒരുക്കി. മറ്റൊരു മല്‍സരത്തില്‍ ഫുള്‍ഹാമിനോട് ഇഞ്ചുറി ടൈം ഗോളില്‍ ആഴ്‌സണല്‍ കഷ്ടിച്ച് സമനിലയില്‍(1-1) രക്ഷപ്പെട്ടു.