മെസ്സി 10ാം നമ്പറില്‍; പിഎസ്ജിക്ക് പരാജയം; ഫ്രഞ്ച് കപ്പില്‍ നിന്ന് പുറത്ത്
സൂപ്പര്‍ താരം ലയണല്‍ മെസ്സിയും കിലിയന്‍ എംബാപ്പെയും പെനാല്‍റ്റികള്‍ പാഴാക്കി.
പാരിസ്: ഇടവേളയ്ക്ക് ശേഷം പിഎസ്ജിയ്ക്കായി സൂപ്പര്‍ താരം ലയണല്‍ മെസ്സി ഇറങ്ങിയിട്ടും ഫ്രഞ്ച് കപ്പില്‍ ടീമിന് രക്ഷയില്ല.പ്രീക്വാര്‍ട്ടറില്‍ നീസിനോട് പെനാല്‍റ്റി ഷൂട്ടൗട്ടില്‍ പരാജയപ്പെട്ട് നിലവിലെ ചാംപ്യന്‍മാരായ പിഎസ്ജി പുറത്തായി. നിശ്ചിത സമയത്ത് മല്‍സരം ഗോള്‍രഹിത സമനിലയിലായിരുന്നു.
6-5നാണ് നീസിന്റെ ജയം. നീസിന് വേണ്ടി ലോണില്‍ കളിക്കുന്ന പിഎസ്ജി ഗോള്‍കീപ്പര്‍ മാര്‍ക്കിന്‍ ബുള്‍ക്കയുടെ തകര്‍പ്പന്‍ സേവുകളാണ് നീസിന് തുണയായത്. സൂപ്പര്‍ താരം ലയണല്‍ മെസ്സിയും കിലിയന്‍ എംബാപ്പെയും പെനാല്‍റ്റികള്‍ പാഴാക്കി.നെയ്മറിന്റെ 10ാം നമ്പര്‍ ജെഴ്‌സിയുമായാണ് മെസ്സി ഇന്ന് കളത്തിലിറങ്ങിയത്.