സന്തോഷ് ട്രോഫി ഫൈനല്‍ റൗണ്ട് പോരാട്ടം; കേരളത്തിന്റെ എതിരാളികള്‍ ഇവര്‍
ആദ്യമായാണ് സന്തോഷ് ട്രോഫി ഇന്ത്യയ്ക്ക് പുറത്ത് നടക്കുന്നത്.
മുംബൈ: സന്തോഷ് ട്രോഫി അവസാന റൗണ്ട് മല്‍സരങ്ങളുടെ ഡ്രോ പൂര്‍ത്തിയായി. നിലവിലെ ചാംപ്യന്‍മാരായ കേരളം ഗ്രൂപ്പ് എയിലാണ് സ്ഥാനം പിടിച്ചത്. ശക്തരായ ഗോവ, മഹാരാഷ്ട്ര, കര്‍ണാടക, ഒഡീഷാ, ഗ്രൂപ്പ് ആറിലെ യോഗ്യതാ റൗണ്ട് ചാംപ്യന്‍മാര്‍ എന്നിവരാണ് ഗ്രൂപ്പ് എയില്‍ ഉള്ളത്. ഗ്രൂപ്പ് ബിയില്‍ നിലവിലെ റണ്ണേഴ്‌സ് അപ്പായ ബംഗാള്‍, മേഘാലയ, ഡല്‍ഹി, സര്‍വ്വീസസ്, റെയില്‍വേസ്,യോഗ്യതാ റൗണ്ടിലെ മികച്ച രണ്ടാം സ്ഥാനക്കാര്‍ (ഗ്രൂപ്പ് 2,6) എന്നിവരാണ് അണിനിരക്കുക.
കേരളത്തിന്റെ ആദ്യ മല്‍സരം ഗോവയ്‌ക്കെതിരേ ഫെബ്രുവരി 10നാണ്. സെമി, ലൂസേഴ്‌സ് ഫൈനല്‍, ഫൈനല്‍ എന്നീ മല്‍സരങ്ങള്‍ സൗദി അറേബ്യയിലാണ് നടക്കുക. ആദ്യമായാണ് സന്തോഷ് ട്രോഫി ഇന്ത്യയ്ക്ക് പുറത്ത് നടക്കുന്നത്.
