ഇന്തോനീസ്യ ഓപ്പണില്‍ പി വി സിന്ധു ഫൈനലില്‍
21-19, 21-10 സ്‌കോറിനാണ് സിന്ധു എതിരാളിയെ വീഴ്ത്തിയത്. ഞായറാഴ്ച്ച നടക്കുന്ന ഫൈനലില്‍ നാലാം സീഡ് ജപ്പാന്റെ അകാനെ യമഗുച്ചിയാണ് സിന്ധുവിന്റെ എതിരാളി.
ജക്കാര്‍ത്ത: ഇന്തോനീസ്യ ഓപ്പണ്‍ സെമിഫൈനലില്‍ രണ്ടാം സീഡ് ചെന്‍ യു ഫെയിയെ പരാജയപ്പെടുത്തി ഇന്ത്യയുടെ പി വി സിന്ധു ഫൈനലില്‍ കടന്നു. 21-19, 21-10 സ്‌കോറിനാണ് സിന്ധു എതിരാളിയെ വീഴ്ത്തിയത്. ഞായറാഴ്ച്ച നടക്കുന്ന ഫൈനലില്‍ നാലാം സീഡ് ജപ്പാന്റെ അകാനെ യമഗുച്ചിയാണ് സിന്ധുവിന്റെ എതിരാളി.
ആദ്യ കളിയില്‍ 18-14ന് മുന്നിലായിരുന്ന ചെന്‍ യു ഫെയിക്കെതിരേ തുടര്‍ച്ചയായി നാലു പോയിന്റുകള്‍ നേടി സിന്ധു സമനില പിടിക്കുകയായിരുന്നു. തുടര്‍ന്നങ്ങോട്ടുള്ള സിന്ധുവിന്റെ കടന്നാക്രമണത്തില്‍ എതിരാളിക്ക് അടിപതറി. രണ്ടാം മല്‍സരത്തിലും 4-0ന് പിന്നിട്ട് നിന്ന ശേഷമാണ് സിന്ധു ശക്തമായ തിരിച്ചുവരവ് നടത്തിയത്.