മോസ്‌കോ ഒളിംപിക്‌സ് മെഡല്‍ ജേതാവ് രവീന്ദ്രര്‍ പാല്‍ സിങ് അന്തരിച്ചു
20വയസ്സിലാണ് ഇന്ത്യയ്ക്കായി മോസ്‌കോ ഒളിംപിക്‌സില്‍ കളിച്ചത്.
ഡല്‍ഹി; മുന്‍ ഹോക്കി താരവും 1980ലെ മോസ്‌കോ ഒളിംപിക്‌സിലെ സ്വര്‍ണ്ണ മെഡല്‍ ജേതാവുമായ രവീന്ദ്രര്‍ പാല്‍ സിങ് അന്തരിച്ചു. കൊവിഡിനെ തുടര്‍ന്നാണ് 61 കാരനായ രവീന്ദ്രര്‍ പാല്‍ അന്തരിച്ചത്. ലക്‌നൗവിലെ ആശുപത്രിയില്‍ ചികില്‍സയിലായിരുന്നു. ഏപ്രില്‍ 24നാണ് കൊവിഡ് പോസ്റ്റീവായത്. തുടര്‍ന്ന് ആരോഗ്യ സ്ഥിതി വഷളാവുകയായിരുന്നു. 20വയസ്സിലാണ് ഇന്ത്യയ്ക്കായി മോസ്‌കോ ഒളിംപിക്‌സില്‍ കളിച്ചത്. 1984ലെ ഒളിംപിക്‌സിലും ഇന്ത്യയ്ക്കായി കളിച്ചിരുന്നു.