തിരുവനന്തപുരം: കേരള വോളീബോള്‍ അസോസിയേഷന്‍ അഫിലിയേറ്റ് ചെയ്തിരുന്ന ദേശീയ ഫെഡറേഷന്റെ അംഗീകാരം താല്‍ക്കാലികമായി റദ്ദാക്കിയതായി കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ അറിയിച്ചു. ഫെഡറേഷനെതിരേര ലഭിച്ച പരാതികളിന്‍മേല്‍ കൗണ്‍സില്‍ നടത്തിയ അന്വേഷണത്തിന്റെ അടിസ്ഥാനത്തിലാണ് നടപടി.
സസ്‌പെന്‍ഷന്‍ കാലയളവില്‍ ഈ സംഘടന നടത്തുന്ന വോളീബോള്‍ മല്‍സരങ്ങള്‍ക്കും, ചാംപ്യന്‍ഷിപ്പുകള്‍ക്കും സര്‍ട്ടിഫിക്കറ്റുകള്‍ക്കും കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ അംഗീകാരവും മേല്‍നോട്ടവുമുണ്ടായിരിക്കില്ലന്നും കൗണ്‍സില്‍ അറിയിച്ചു. കേന്ദ്ര യുവജനകാര്യ സ്‌പോര്‍ട്‌സ് മന്ത്രാലയം നേരത്തെ ഈ ഫെഡറേഷന്റെ അംഗീകാരം റദ്ദാക്കിയിരുന്നു.