സ്വിസ് ഓപ്പണ്‍; ശ്രീകാന്തും സിന്ധുവും സെമിയില്‍
സാത്വിഗ്-ചിരാഗ് ജോഡി പുരുഷവിഭാഗം ഡബിള്‍സിന്റെ സെമിയിലേക്ക് മുന്നേറി.
ബേര്‍ണ്‍: സ്വിസ് ബാഡ്മിന്റണ്‍ ഓപ്പണിലില്‍ ഇന്ത്യയുടെ കെ ശ്രീകാന്തും പി വി സിന്ധുവും സെമിയില്‍ പ്രവേശിച്ചു. പുരുഷവിഭാഗം ക്വാര്‍ട്ടറില്‍ ആറാം സീഡ് തായ്‌ലാന്റിന്റെ കാന്റ്ഫണ്‍ വാങ്ചരോണിനെ 21-19, 21-15 സെറ്റുകള്‍ക്കാണ് മുന്‍ ലോക ഒന്നാം നമ്പറായ ശ്രീകാന്ത് തോല്‍പ്പിച്ചത്.
പുരുഷവിഭാഗം ഡബിള്‍സില്‍ രണ്ടാം സീഡ് ഇന്ത്യയുടെ സാത്വിഗ്-ചിരാഗ് ജോഡി സെമിയിലേക്ക് മുന്നേറി. സെമിയില്‍ ഡാനിഷ് സഖ്യമായ കിം-ആന്‍ഡേഴ്‌സിനെ ഇന്ത്യന്‍ സഖ്യം നേരിടും. വനിതാ വിഭാഗത്തില്‍ സെമിയില്‍ പ്രവേശിച്ച പിവി സിന്ധുവിന്റെ എതിരാളി നാലാം സീഡ് ഡെന്‍മാര്‍ക്കിന്റെ മിയാ ബ്ലിഷഫെല്‍റ്റാണ്.