ഓസ്‌ട്രേലിയന്‍ ഓപ്പണ്‍ ഫെബ്രുവരിയില്‍
താരങ്ങള്‍ ജനുവരി 15 ഓടെ ഓസ്‌ട്രേലിയയില്‍ എത്തും.
മെല്‍ബണ്‍: അടുത്ത വര്‍ഷത്തെ ഓസ്‌ട്രേലിയന്‍ ഓപ്പണ്‍ ഫെബ്രുവരി എട്ടു മുതല്‍ നടക്കും. 21 നാണ് ഫൈനല്‍. മെല്‍ബണ്‍ പാര്‍ക്കിലും വിക്ടോറിയയിലുമായാണ് മല്‍സരങ്ങള്‍ നടക്കുക. താരങ്ങള്‍ ജനുവരി 15 ഓടെ ഓസ്‌ട്രേലിയയില്‍ എത്തും. രണ്ടാഴ്ചത്തെ ക്വാറന്റൈനാണ് താരങ്ങള്‍ക്ക് ഉണ്ടാവുക. യോഗ്യതാ റൗണ്ടുകള്‍ ജനുവരി മൂന്ന് മുതല്‍ ദോഹയില്‍ നടക്കും. എന്നാല്‍ വനിതാ വിഭാഗത്തിന്റെ യോഗ്യത റൗണ്ടിനെ കുറിച്ച് ഓസ്‌ട്രേലിയന്‍ ഓപ്പണ്‍ ഡയറക്ടര്‍ ക്രെയ്ഗ് വ്യക്തമാക്കിയിട്ടില്ല. 100 വര്‍ഷങ്ങള്‍ക്ക് ശേഷമാണ് ഓസ്‌ട്രേലിയന്‍ ഓപ്പണ്‍ ഫെബ്രുവരി മാസത്തില്‍ നടക്കുന്നത്. ജനുവരിയിലാണ് ഓപ്പണ്‍ സാധരണയായി നടക്കാറുള്ളത്. കൊറോണയെ തുടര്‍ന്നാണ് മല്‍സരങ്ങള്‍ ഒരു മാസം കൂടി നീട്ടിയത്. മറ്റ് രാജ്യങ്ങളെ അപേക്ഷിച്ച് ഓസ്‌ട്രേലിയയില്‍ കൊറോണ കുറഞ്ഞിട്ടുണ്ട്. ഈ സാഹചര്യത്തിലാണ് ടൂര്‍ണ്ണമെന്റുമായി മുന്നോട്ട് പോവാന്‍ ഓസ്‌ട്രേലിയ തീരുമാനിച്ചത്.