ഓസ്‌ട്രേലിയന്‍ ഓപ്പണ്‍; സെറീനയെ അട്ടിമറിച്ച്‌ ഒസാക്ക ഫൈനലില്‍; എതിരാളി ബ്രാഡി
ഗ്രാന്‍സ്ലാം ഫൈനലില്‍ തോല്‍വി നേരിടാത്ത റെക്കോഡിനുടമയാണ്‌ ഒസാക്ക.
മെല്‍ബണ്‍: തന്റെ 24ാം ഗ്ല്രാന്‍സ്ലാം കിരീടം ലക്ഷ്യമിട്ടിറങ്ങിയ അമേരിക്കയുടെ സെറീനാ വില്ല്യംസിനെ അട്ടിമറിച്ച്‌ ജപ്പാന്‍ താരം നയോമി ഒസാക്ക. ഓസ്‌ട്രേലിയന്‍ ഓപ്പണില്‍ ഇന്ന്‌ നടന്ന വനിതാ സിംഗിള്സ് ഫൈനലില്‍ ആണ്‌ മൂന്ന്‌ ഗ്രാന്‍സ്ലാം കിരീടം നേടിയ ഒസാക്ക നേരിട്ടുള്ള സെറ്റുകള്‍ക്ക്‌ സെറീനയെ തോല്‍പ്പിച്ചത്‌. സ്‌കോര്‍ 6-3, 6-4.ആദ്യമായിട്ടാണ്‌ സെറീനാ ഓസ്‌ട്രേലിയന്‍ ഓപ്പണിന്റെ സെമി ഫൈനലില്‍ പുറത്താവുന്നത്‌. മല്‍സരത്തിന്റെ ഒരു തരത്തിലും സെറീന ഒസാക്കയ്ക്ക് വെല്ലുവിളി ഉയര്‍ത്തിയില്ല. അനായാസ ജയവുമായാണ്‌ ഒസാക്ക ഫൈനലിലേക്ക്‌ ടിക്കറ്റെടുത്തത്‌. ഗ്രാന്‍സ്ലാം ഫൈനലില്‍ തോല്‍വി നേരിടാത്ത റെക്കോഡിനുടമയാണ്‌ ഒസാക്ക.
ഒസാക്കയുടെ ഫൈനലിലെ എതിരാളി അമേരിക്കയുടെ ജെന്നിഫര്‍ ബ്രാഡിയാണ്‌. സെമിയില്‍ ചെക്ക്‌ റിപ്പബ്ലിക്കിന്റെ കരോലിനാ മുഷോവയെ 6-4, 3-6, 6-4 സെറ്റുകള്‍ക്കാണ്‌ ബ്രാഡി തോല്‍പ്പിച്ചത്‌.