ഓസ്‌ട്രേലിയന്‍ ഓപ്പണ്‍; പ്ലിസ്‌കോവയും ഡബിള്‍സില്‍ ബൊപ്പെണ്ണ സഖ്യവും പുറത്ത്
എലീനാ സ്വറ്റോലിന, അമേരിക്കയുടെ ജെന്നിഫര്‍ ബ്രാഡി എന്നിവരും അടുത്ത റൗണ്ടിലേക്ക് പ്രവേശിച്ചു.
മെല്‍ബണ്‍; ഓസ്‌ട്രേലിയന്‍ ഓപ്പണ്‍ വനിതാ സിംഗിള്‍സില്‍ ഇന്നും അട്ടിമറി. ആറാം സീഡ് ചെക്ക് റിപ്പബ്ലിക്കിന്റെ കരോലിനാ പ്ലിസ്‌കോവയാണ് മൂന്നാം റൗണ്ടില്‍ പുറത്തായത്. നാട്ടുകാരി മുഷോവ 7-5, 7-5 എന്ന സെറ്റുകള്‍ക്കാണ് പ്ലിസ്‌കോവയെ തോല്‍പ്പിച്ചത്. അഞ്ചാം സീഡ് ഉക്രെയ്‌ന്റെ എലീനാ സ്വറ്റോലിന, അമേരിക്കയുടെ ജെന്നിഫര്‍ ബ്രാഡി എന്നിവരും അടുത്ത റൗണ്ടിലേക്ക് പ്രവേശിച്ചു.
മികസ്ഡ് ഡബിള്‍സില്‍ ഇന്ത്യയുടെ രോഹന്‍ ബൊപ്പെണ്ണാ-ചൈനയുടെ യിങ് യുവാന്‍ സഖ്യം പരാജയപ്പെട്ടു. അമേരിക്കന്‍-ബ്രിട്ടീഷ് സഖ്യത്തോടാണ് ഇന്ത്യന്‍ സഖ്യം പരാജയപ്പെട്ടത്. പുരുഷ ഡബിള്‍സില്‍ നേരത്തെ തന്നെ ബൊപ്പെണ്ണ സഖ്യം പുറത്തായിരുന്നു.
പുരുഷ വിഭാഗത്തില്‍ നിലവിലെ ചാംപ്യന്‍ നൊവാക്ക് ജോക്കോവിച്ച് നാലാം റൗണ്ടില്‍ കടന്നു. പുരുഷ വിഭാഗത്തില്‍ റാഫേല്‍ നദാല്‍ ബ്രിട്ടന്റെ കാമറൂണ്‍ നൂറിയുമായി ഏറ്റുമുട്ടും.