ഖത്തര്‍ ഓപ്പണ്‍; സാനിര്‍ മിര്‍സാ-ക്ലെപാക്ക് സഖ്യം സെമിയില്‍

ദോഹ: നീണ്ടകാലത്തെ ഇടവേളയ്ക്ക് ശേഷം ടെന്നിസിലേക്ക് തിരിച്ചെത്തിയ ഇന്ത്യന്‍ സെന്‍സേഷന്‍ സാനിയാ മിര്‍സയ്ക്ക് ഖത്തര്‍ ഓപ്പണില്‍ തകര്‍പ്പന്‍ ജയം. ഖത്തര്‍ ഓപ്പണ്‍ വനിതാ ഡബിള്‍സിലാണ് താരത്തിന്റെ ജയം. സ്ലൊവേനിയന്‍ താരം ആന്‍ഡ്രെജ ക്ലെപാക്കും സാനിയയും ചേര്‍ന്നുള്ള സഖ്യത്തിന്റെ ജയം 6-2, 6-0 എന്ന സ്‌കോറിനാണ് . നാലാം സീഡ് അന്ന ബ്ലിങ്കോവാ-ഗബ്രിയേല ഡെബ്രാവസ്‌കി സഖ്യത്തെതോല്‍പ്പിച്ചാണ് മിര്‍സാ-ക്ലെപാക്ക് സഖ്യം സെമിയിലേക്ക് പ്രവേശിച്ചത്. ബ്ലിങ്കോവാ-ഗബ്രിയേല സഖ്യം ഒരു തരത്തിലും ഇന്ത്യന്‍-സ്ലൊവേനിയന്‍ സഖ്യത്തിന് ഭീഷണി ഉയര്‍ത്തിയില്ല. 12 മാസങ്ങള്‍ക്ക് ശേഷമാണ് സാനിയാ മിര്‍സാ ടെന്നിസിലേക്ക് തിരിച്ചെത്തിയത്. താരത്തിന് നേരത്തെ കൊവിഡ്-19 ബാധിച്ചിരുന്നു.