യു എസ് ഓപ്പണ്‍; അങ്കിതാ റെയ്‌നാ പുറത്ത്
മറ്റൊരു ഇന്ത്യന്‍ പ്രതീക്ഷയായ സാനിയ മിര്‍സ ആദ്യ റൗണ്ട് പോരാട്ടത്തിന് നാളെയിറങ്ങും.
ന്യൂയോര്‍ക്ക്: യു എസ് ഓപ്പണ്‍ വനിതാ ഡബിള്‍സില്‍ നിന്ന് ഇന്ത്യയുടെ അങ്കിതാ റെയ്‌നാ -ഉക്രെയ്‌ന്റെ കാതറീനാ സഖ്യം പുറത്തായി. എട്ടാം സീഡ് ആന്‍ഡ്രിയാ കെല്‍പാക്ക്, ദാരിയ ജുറാക്ക് സഖ്യത്തോടാണ് തോറ്റത്. ആദ്യ റൗണ്ടിലാണ് തോല്‍വി. സ്‌കോര്‍: 6-1, 6-1.നേരത്തെ സിംഗിള്‍സില്‍ യോഗ്യത നേടാന്‍ താരത്തിന് ആയില്ല. എന്നാല്‍ ഈ വര്‍ഷത്തെ മറ്റ് ഗ്രാന്‍സ്ലാം ടൂര്‍ണ്ണമെന്റിലും ഒളിംപിക്‌സിലും അങ്കിത യോഗ്യത നേടിയിരുന്നു. അതിനിടെ മറ്റൊരു ഇന്ത്യന്‍ പ്രതീക്ഷയായ സാനിയ മിര്‍സ സഹതാരം കൊക്കോ വാന്‍ഡേവെഗുമെത്ത് ആദ്യ റൗണ്ട് പോരാട്ടത്തിന് നാളെയിറങ്ങും.