കോട്ടയം: ആംബുലന്സുകള് കൂട്ടിയിടിച്ച് റോഡരികിലൂടെ നടന്നുപോവുകയായിരുന്ന 10 വയസ്സുകാരന് മരിച്ചു. വാകത്താനം തേവരുച്ചിറയിലുണ്ടായ അപകടത്തില് തേവരുച്ചിറ റെജിയുടെ മകന് റോഷനാണ് മരിച്ചത്. ആംബുലന്സുകള് കൂട്ടിയിച്ചത്തുടര്ന്ന് നിയന്ത്രണം വിട്ട ആംബുലന്സുകളില് ഒരെണ്ണം റോഡരികിലൂടെ നടന്നുപോയ കുട്ടിയെ ഇടിച്ചു തെറിപ്പിക്കുകയായിരുന്നു. ഗുരുതരമായി റോഷനെ കോട്ടയം മെഡിക്കല് കോളജിലെത്തിച്ചെങ്കിലും മരണപ്പെട്ടു. രണ്ടു ആശുപത്രികളിലേക്ക് നഴ്സുമാരെ കൊണ്ടു വരികയായിരുന്ന ആംബുലന്സുകളാണ് അപകടത്തില്പെട്ടത്.