പൂര്‍വ വിദ്യാര്‍ഥി അനുസ്മരണ സംഗമം
ഓണ്‍ലൈനില്‍ സംഘടിപ്പിച്ച യോഗം ജമാഅത്തെ ഇസ്‌ലാമി കേരള അസിസ്റ്റന്റ് അമീര്‍ പി മുജീബുറഹ്മാന്‍ ഉദ്ഘാടനം ചെയ്തു.
പെരിന്തല്‍മണ്ണ: സമീപകാലത്ത് വിടപറഞ്ഞ പ്രമുഖ പൂര്‍വിദ്യാര്‍ത്ഥികളായ കെ കെ അബ്ദുല്ല ഒലിപ്പുഴ, എ സുബൈര്‍ ശാന്തപുരം, വി പി എ ശുക്കൂര്‍ കാളികാവ് എന്നിവരെ ശാന്തപുരം അല്‍ജാമിഅ അല്‍ഇസ്ലാമിയ അലുംനി അസോസിയേഷന്‍ അനുസ്മരിച്ചു. ഓണ്‍ലൈനില്‍ സംഘടിപ്പിച്ച യോഗം ജമാഅത്തെ ഇസ്‌ലാമി കേരള അസിസ്റ്റന്റ് അമീര്‍ പി മുജീബുറഹ്മാന്‍ ഉദ്ഘാടനം ചെയ്തു.
അലുംനി അസോസിയേഷന്‍ പ്രസിഡന്റ് ഡോ.എ എ ഹലീം അധ്യക്ഷത വഹിച്ചു. വിവിധ മേഖലകളില്‍ പരേതര്‍ അര്‍പ്പിച്ച സേവനങ്ങളെ സംഗമത്തില്‍ സംസാരിച്ചവര്‍ എടുത്തു പറഞ്ഞു. വി കെ ജലീല്‍, പി കെ ജമാല്‍, എ ഹൈദറലി ശാന്തപുരം, വി കെ അലി, കെ കെ മമ്മുണ്ണി മൗലവി, കെ കെ സുഹ്‌റ, സലാം മേലാറ്റൂര്‍, ടി അബ്ദുര്‍ഹ്മാന്‍, പി എം അസ്ഗര്‍ അലി, ലബീബ്, അബുല്ലൈസ്, എ സലാഹുദ്ദീന്‍, അബ്ദുല്‍ ഹകീം അസോസിയേഷന്‍ ജന. സെക്രട്ടറി ഡോ. വി എം സാഫിര്‍ സംസാരിച്ചു.