അനന്തകൃഷ്ണന്‍ എന്‍ഡോവ്‌മെന്റ് വിതരണം നാളെ
രാവിലെ 10:30ന് മന്ത്രി പി രാജീവ് ഉദ്ഘാടനം ചെയ്യും.
കൊച്ചി: കേരള ന്യൂസ് പേപ്പര്‍ എംപ്ലോയീസ് ഫെഡറേഷന്‍ സ്ഥാപക നേതാവായിരുന്ന എസ് അനന്തകൃഷ്ണന്റെ സ്മരണാര്‍ത്ഥം സംസ്ഥാന കമ്മിറ്റി ഏര്‍പ്പെടുത്തിയിരിക്കുന്ന അനന്തകൃഷ്ണന്‍ എന്‍ഡോവ്‌മെന്റ് വിതരണം നാളെ എറണാകുളം ചങ്ങമ്പുഴ പാര്‍ക്കില്‍ നടക്കും. പത്താം ക്ലാസില്‍ ഉന്നത വിജയം നേടിയ പത്ര ജീവനക്കാരുടെ മക്കള്‍ക്കാണ് എന്‍ഡോവ്‌മെന്റ് നല്‍കുക.
സമ്മേളനം രാവിലെ 10:30ന് മന്ത്രി പി രാജീവ് ഉദ്ഘാടനം ചെയ്യും, സംസ്ഥാന പ്രസിഡണ്ട് വി എസ് ജോണ്‍സണ്‍ അധ്യക്ഷനാവും. ടി ജെ വിനോദ് എംഎല്‍എ മുഖ്യപ്രഭാഷണവും അഖിലേന്ത്യ ന്യൂസ് പേപ്പര്‍ എംപ്ലോയീസ് ഫെഡറേഷന്‍ ജനറല്‍ സെക്രട്ടറി വി ബാലഗോപാലന്‍ അനുസ്മരണ പ്രഭാഷണവും നടത്തും
സംസ്ഥാന ജനറല്‍സെക്രട്ടറി ജൈസണ്‍ മാത്യു, ട്രഷറര്‍ ജമാല്‍ ഫൈറോസ്, വൈസ് പ്രസിഡണ്ട് ആര്‍ രാധാകൃഷ്ണന്‍, കെയുഡബ്ലിയു ജില്ലാ പ്രസിഡണ്ട് ആര്‍ ഗോപകുമാര്‍, എന്‍ജെപിയു ജില്ലാ പ്രസിഡണ്ട് എം ജെ ബെല്‍ത്ത്‌സര്‍, ജില്ലാ പ്രസിഡണ്ട് കെ ആര്‍ ഗിരീഷ് കുമാര്‍, സെക്രട്ടറി എം പി വിനോദ് കുമാര്‍, എന്നിവര്‍ സംസാരിക്കും പരിപാടിക്ക് വിജയമോഹന്‍ ,ഇന്ദു മോഹന്‍ ,തുടങ്ങിയവര്‍ നേതൃത്വം നല്‍കും.