പാലക്കാട് ഷോക്കേറ്റ് പിതാവും മകനും മരിച്ചു

പാലക്കാട്: വാളയാര്‍ അട്ടപ്പള്ളത്ത് പിതാവും മകനും ഷോക്കേറ്റ് മരിച്ചു. പാടത്തെ പന്നിക്കെണിയില്‍ നിന്ന് ഷോക്കേറ്റ് മോഹനന്‍ (60), മകന്‍ അനിരുദ്ധന്‍ (20) എന്നിവരാണ് മരിച്ചത്. സമീപത്തെ വൈദ്യുതി ലൈനില്‍ നിന്ന് കണക്ഷനെടുത്താണ് പന്നിക്കെണി വെച്ചിരുന്നത്. വൈകീട്ട് 6.30ഓടെയാണ് സംഭവം. തോട്ടില്‍ നിന്ന് പാടത്തേക്ക് വെള്ളം ഒഴുക്കുന്നതിനായാണ് പിതാവും മകനും എത്തിയത്. മൃതദേഹങ്ങള്‍ മോര്‍ച്ചറിയിലേക്ക് മാറ്റി.