കൊല്ലം: പട്ടത്താനം ചെമ്പകശ്ശേരിയില്‍ പിതാവിനെയും രണ്ട് മക്കളെയും തൂങ്ങിമരിച്ച നിലയില്‍ കണ്ടെത്തി. പട്ടത്താനം ചെമ്പകശ്ശേരി ജവഹര്‍ നഗറില്‍ ജോസ് പ്രമോദ്(41), മക്കളായ ദേവനാരായണന്‍(9), ദേവനന്ദ(4) എന്നിവരാണ് മരിച്ചത്. മക്കളെ കൊലപ്പെടുത്തി പിതാവ് ജീവനൊടുക്കിയതാണെന്നാണ് പോലിസിന്റെ പ്രാഥമിക നിഗമനം. ഡോക്ടറായ ജോസിന്റെ ഭാര്യ ഹോസ്റ്റലിലാണ് താമസം. ഓട്ടോ ഡ്രൈവറായിരുന്ന ജോസിന് വര്‍ഷങ്ങളായി ജോലിയില്ലായിരുന്നു. തുടര്‍ന്ന് വിദേശത്ത് പോയെങ്കിലും ജോലി ശരിയായില്ല. ഇതിനുശേഷം കടുത്ത മദ്യപാനിയായി മാറിയതായും പറയപ്പെടുന്നുണ്ട്. കുടുംബപ്രശ്‌നമാണോ മരണത്തിനു കാരണമെന്നും അന്വേഷിക്കുന്നുണ്ട്.