ന്യൂഡല്‍ഹി: തെക്കുകിഴക്കന്‍ ഡല്‍ഹിയിലെ സാക്കിര്‍ നഗറിലുള്ള നാലു നില കെട്ടിടത്തിലുണ്ടായ തീപിടുത്തത്തില്‍ ആറു പേര്‍ മരിച്ചു. അപകടത്തില്‍ 15 പേര്‍ക്കു പരിക്കേറ്റു. ഏഴു കാറുകളും എട്ട് ഇരുചക്രവാഹനങ്ങളും കത്തിനശിച്ചു.
ജാമിയ മിലിയ ഇസ്‌ലാമിയ സര്‍വകലാശാലയ്ക്കു സമീപമുള്ള നാലു നില കെട്ടിടത്തില്‍ ചൊവ്വാഴ്ച പുലര്‍ച്ചെ രണ്ടോടെയാണ് തീപിടിത്തമുണ്ടായത്. അഗ്‌നിശമന സേനയുടെ എട്ടു യൂനിറ്റുകള്‍ സ്ഥലത്തെത്തിയാണ് തീയണച്ചത്. രക്ഷപെടുന്നതിനായി കെട്ടിടത്തിനു മുകളില്‍ നിന്നു ചാടിയവര്‍ ഉള്‍പ്പെടെയുള്ളവര്‍ക്കാണ് പരിക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു. ഷോര്‍ട്ട് സര്‍ക്യൂട്ടാണ് അപകട കാരണമെന്നു കരുതുന്നു.