തിരൂര്‍: ജനങ്ങളും പാര്‍ട്ടികളും ഫാസിസത്തിന്റെ അനീതിക്കെതിരെ പ്രതികരിക്കാനും ഒന്നിച്ച് പ്രവര്‍ത്തിക്കാനും തയ്യാറായാല്‍ ഇന്ത്യയില്‍ ഫാസിസം കുഴിച്ചുമൂടപ്പെടുമെന്ന് എസ്ഡിപിഐ ദേശീയ പ്രസിഡണ്ട് എം കെ ഫൈസി പറഞ്ഞു. തിരൂര്‍ ടൗണ്‍ഹാളില്‍ എസ് ഡി പി ഐ ലീഡേഴ്‌സ് അസംബ്ലി ഉദ്ഘാടനം ചെയ്യുകയായിരുന്നു അദ്ദേഹം. ജനങ്ങളെ ഭയപ്പെടുത്തിയും അന്വേഷണ ഏജന്‍സികളെ ദുരുപയോഗം ചെയ്തുമാണ് കേന്ദ്രസര്‍ക്കാര്‍ മുന്നോട്ടുപോകുന്നത്. ജനാധിപത്യ മതേതര പാര്‍ട്ടികള്‍ ഐക്യപ്പെട്ട് പ്രവര്‍ത്തിക്കാന്‍ തയ്യാറായാല്‍ തകര്‍ന്നടിയുന്നതാണ് ഇന്ത്യയിലെ ഫാസിസം . ഇതിന് ചരിത്രം സാക്ഷിയാണ് - അദ്ദേഹം കൂട്ടിച്ചേര്‍ത്തു. ജില്ലാ പ്രസിഡണ്ട് ഡോക്ടര്‍ സി എച്ച് അഷ്‌റഫ് അധ്യക്ഷത വഹിച്ചു . സംസ്ഥാന പ്രസിഡണ്ട് മൂവാറ്റുപുഴ അഷറഫ് മൗലവി , ദേശീയ സെക്രട്ടറിയേറ്റ് അംഗം സിപിഐ ലത്തീഫ് , സംസ്ഥാന സമിതി അംഗം വിടി ഇക്‌റാമുല്‍ ഹഖ് , ജില്ലാ ജനറല്‍ സെക്രട്ടറിമാരായ അഡ്വക്കറ്റ് സാദിഖ് നടുത്തൊടി, മുര്‍ശിദ് ശമീം , വൈസ് പ്രസിഡന്റുമാരായ സൈതലവി ഹാജി, അരീക്കന്‍ ബീരാന്‍ കുട്ടി, ട്രഷറര്‍ കെ.സി സലാം ജില്ലാ കമ്മിറ്റി അംഗം നജീബ് തിരൂര്‍ തുടങ്ങിയവര്‍ സംസാരിച്ചു.