ഇസ്രായേലില്‍ സുരക്ഷയില്ല; നെതന്യാഹുവിന്റെ മകന്റെ വിവാഹം മാറ്റിവച്ചു
സിസറിയ പ്രദേശത്തെ ബെഞ്ചമിന്‍ നെതന്യാഹുവിന്റെ വീടിന് നേരെ ഹിസ്ബുല്ല നടത്തിയ ഡ്രോണ്‍ ആക്രമണമാണ് വിവാഹം മാറ്റിവക്കാന്‍ കാരണം.
തെല്‍അവീവ്: ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ മകന്റെ വിവാഹം മാറ്റിവച്ചു. സുരക്ഷാ ഭീഷണി മൂലമാണ് വിവാഹം മാറ്റിയതെന്ന് നെതന്യാഹുവിന്റെ മകനായ അവ്‌നര്‍ നെതന്യാഹു അറിയിച്ചു. ഇസ്രായേലി മോഡലായ നോയ ബോറുമായി രണ്ടു വര്‍ഷത്തിലധികമായി പ്രണയത്തിലാണ് അവ്‌നര്‍. ഇരുവരുടെയും വിവാഹം നവംബര്‍ 26ന് നടക്കാനിരിക്കുകയായിരുന്നു.
എന്നാല്‍, സിസറിയ പ്രദേശത്തെ ബെഞ്ചമിന്‍ നെതന്യാഹുവിന്റെ വീടിന് നേരെ ഹിസ്ബുല്ല നടത്തിയ ഡ്രോണ്‍ ആക്രമണമാണ് വിവാഹം മാറ്റിവക്കാന്‍ കാരണം. അടുത്ത വര്‍ഷം എപ്പോഴെങ്കിലുമായിരിക്കും ഇനി വിവാഹം നടക്കുക.