കൊറോണ എച്ച്ഐവി പോലെ, പൂര്‍ണമായി തുടച്ചുനീക്കാനാവില്ല: മുന്നറിയിപ്പുമായി ലോകാരോഗ്യ സംഘടന
വൈറസ് എപ്പോള്‍ അപ്രത്യക്ഷമാകുമെന്ന് പ്രവചിക്കാന്‍ ആര്‍ക്കും സാധിക്കില്ലെന്നും ലോകാരോഗ്യസംഘടന അത്യാഹിത വിഭാഗം ഡയറക്ടര്‍ ഡോ. മൈക്ക് റയാന്‍ പറഞ്ഞു.
ജനീവ: ലോകത്തെയാകെ ഭീതിയിലാഴ്ത്തി പടര്‍ന്നു പിടിക്കുന്ന കൊറോണ വൈറസ് എച്ച്ഐവി പോലെയുള്ള മഹാമാരിയാണെന്നും ഭൂമുഖത്ത് നിന്ന് ഈ വൈറസ് ഭീഷണി ഒരിക്കലും പൂര്‍ണമായും തുടച്ചുനീക്കാനാവില്ലെന്ന് ലോകാരോഗ്യ സംഘടനയുടെ മുന്നറിയിപ്പ്. വൈറസ് എപ്പോള്‍ അപ്രത്യക്ഷമാകുമെന്ന് പ്രവചിക്കാന്‍ ആര്‍ക്കും സാധിക്കില്ലെന്നും ലോകാരോഗ്യസംഘടന അത്യാഹിത വിഭാഗം ഡയറക്ടര്‍ ഡോ. മൈക്ക് റയാന്‍ പറഞ്ഞു.
ഇത് എല്ലാ കാലത്തും ഏതെങ്കിലും പ്രത്യേക സ്ഥലത്ത് ഇതു കാണുമെന്നും ഈ മഹാമാരിയെ നിയന്ത്രിക്കാന്‍ വാക്സിന് കണ്ടുപിടിക്കുന്നതില്‍ കൂടുതല്‍ ശ്രദ്ധ ചെലുത്തുകയാണ് വേണ്ത്. വാക്സിന് ഇല്ലാത്ത പക്ഷം ലോക ജനതയുടെ പ്രതിരോധ ശേഷി വര്‍ധിപ്പിക്കാന്‍ വര്‍ഷങ്ങള്‍ വേണ്ടിവരുമെന്നും ഡോ. റയാന്‍ പറഞ്ഞു.
കൊറോണയ്‌ക്കെതിരേ വാക്സിന് കണ്ടെത്തിയാലും, വൈറസിനെ ഇല്ലാതാക്കാന്‍ വലിയ ശ്രമം ആവശ്യമാണ്. ഈ വൈറസ് എപ്പോള്‍ അപ്രത്യക്ഷമാകുമെന്ന് ആര്‍ക്കും പ്രവചിക്കുക സാധ്യമല്ല. വരും കാലത്തും ഈ വൈറസ് നമ്മുടെ സമൂഹത്തില്‍ നിലനില്‍ക്കുമെന്നും ഡോ. റയാന്‍ പറഞ്ഞു.
എച്ച്ഐവി വൈറസ് ഒരിക്കലും നമ്മുടെ സമൂഹത്തില്‍ നിന്നും പോയിട്ടില്ല. അതുപോലെ കൊറോണയും നമ്മോടൊപ്പം ഉണ്ടാകും. എച്ച്ഐവിയെ പ്രതിരോധിച്ച പോലെ കൊറോണ വൈറസിനെയും നാം പ്രതിരോധിക്കണമെന്നും ഡോ. റയാന്‍ ആവശ്യപ്പെട്ടു