ന്യൂഡല്‍ഹി: കെ റെയില്‍ പ്രശ്‌നം ലോക്‌സഭയില്‍ ഉന്നയിച്ച് കോണ്‍ഗ്രസ് എംപി കെ മുരളീധരന്‍. സര്‍വ്വേയെന്ന പേരില്‍ സര്‍ക്കാര്‍ വീടുകളില്‍ കയറി കല്ലിടുകയാണെന്നും സ്ത്രീകളെയും കുട്ടികളെയും പോലിസ് അതിക്രൂരമായി മര്‍ദ്ദിക്കുകയാണെന്നും മുരളീധരന്‍ ആരോപിച്ചു. പുരുഷ പോലിസുകാര്‍ സ്ത്രീകളെ കൈയേറ്റം ചെയ്യുകയാണ്. പോലിസ് വേഷത്തില്‍ സിപിഎം ഗുണ്ടകളും ജനങ്ങളെ ആക്രമിക്കുന്ന സ്ഥിതിയാണുള്ളത്. വിഷയത്തില്‍ കേന്ദ്രസര്‍ക്കാര്‍ ഇടപെടണമെന്നും അല്ലങ്കില്‍ പദ്ധതിയില്‍ നിന്നും പിന്മാറണമെന്നും മുരളീധരന്‍ ആവശ്യപ്പെട്ടു.