കരിപ്പൂര്‍ വിമാനാപകടം: ദുരന്തത്തിനിരയായവര്‍ക്ക് മതിയായ നഷ്ടപരിഹാരം നല്‍കണം-പി അബ്ദുല്‍ ഹമീദ്
തിരുവനന്തപുരം: കരിപ്പൂര്‍ അന്താരാഷ്ട്ര വിമാനത്താവളത്തിലുണ്ടായ വിമാനാപകടത്തില്‍ മരണപ്പെട്ട യാത്രക്കാര്‍ക്കും വിമാന ജീവനക്കാര്‍ക്കും മതിയായ നഷ്ടപരിഹാരം നല്‍കണമെന്ന് എസ് ഡിപിഐ സംസ്ഥാന ജനറല്‍ സെക്രട്ടറി പി അബ്ദുല്‍ ഹമീദ് ആവശ്യപ്പെട്ടു. പരിക്കേറ്റ മുഴുവന്‍ യാത്രക്കാരുടെയും ചികില്‍സാ ചെലവുകള്‍ സര്‍ക്കാര്‍ വഹിക്കുകയും പരിക്കുകകളുടെ ഗൗരവത്തിനനുസരിച്ച് ധനസഹായം നല്‍കുകയും വേണം. രക്ഷാപ്രവര്‍ത്തനങ്ങള്‍ക്ക് സ്വയം മുന്നിട്ടിറങ്ങിയ മുഴുവന്‍ ആളുകളെയും അഭിനന്ദിക്കുന്നതായും അദ്ദേഹം അറിയിച്ചു.