ഭൂനിയമ ഭേദഗതി ഓര്‍ഡിനന്‍സ്; ഇടുക്കിയില്‍ ഏപ്രില്‍ മൂന്നിന് എല്‍ഡിഎഫ് ഹര്‍ത്താല്‍
തൊടുപുഴ: ഭൂനിയമ ഭേദഗതി ഓര്‍ഡിനന്‍സ് ഇറക്കണമെന്ന് ആവശ്യപ്പെട്ട് ഏപ്രില്‍ മൂന്നിന് ഇടുക്കി ജില്ലയില്‍ ഹര്‍ത്താല്‍ പ്രഖ്യാപിച്ച് എല്‍ഡിഎഫ്. രാവിലെ ആറ് മുതല്‍ വൈകീട്ട് ആറ് വരെയാകും ഹര്‍ത്താല്‍ നടക്കുകയെന്ന് ഇടതുമുന്നണി നേതാക്കള്‍ അറിയിച്ചു. ഭൂനിയമ ഭേദഗതി ഓര്‍ഡിനന്‍സില്‍ യുഡിഎഫ് ജനവഞ്ചനക്കെതിരെയാണ് ഹര്‍ത്താലെന്നും എല്‍ഡിഎഫ് നേതാക്കള്‍ പറഞ്ഞു. ഈ നിയമസഭാ സമ്മേളനത്തില്‍ ഭൂനിയമ ഭേദഗതി ബില്‍ അവതരിപ്പിക്കാനായിരുന്നു സംസ്ഥാന സര്‍ക്കാരിന്റെ സര്‍ക്കാരിന്റെ തീരുമാനം. എന്നാല്‍ തുടര്‍ച്ചയായുള്ള പ്രതിപക്ഷ സമരത്തെ തുടര്‍ന്ന് സഭാനടപടികള്‍ തടസപ്പെടുന്ന സാഹചര്യമുണ്ടായതോടെ ബില്‍ നിയമസഭയില്‍ അവതരിപ്പിക്കാനായില്ലെന്നാണ് ജില്ലയിലെ എല്‍എഡിഎഫ് നേതാക്കള്‍ ആരോപിക്കുന്നത്. ഇതില്‍ പ്രതിഷേധിച്ചാണ് ഹര്‍ത്താല്‍ ആചരിക്കുന്നതെന്നും നേതാക്കള്‍ പറഞ്ഞു.