അബൂദബി: ലുലുവില്‍നിന്ന് വന്‍തുകയുമായി മുങ്ങിയ മലയാളി യുവാവിനെ അബൂദബി പോലിസ് പിടികൂടി. അബൂദബി ഖാലിദിയ്യ മാളിലെ ലുലു ഹൈപര്‍ മാര്‍ക്കറ്റ് കാഷ് ഓഫിസ് ഇന്‍ ചാര്‍ജായരുന്ന കണ്ണൂര്‍ നാറാത്ത് സുഹ്റ മനസിലില്‍ മുഹമ്മദ് നിയാസി(38)നെയാണ് അല്‍ഖാലിദിയ്യ പോലിസ് പിടികൂടിയത്. ആറ് ലക്ഷം ദിര്‍ഹമു(ഒന്നരക്കോടി രൂപ)മായി മുങ്ങിയതായി കാണിച്ച് ലുലു ഗ്രൂപ്പ് പരാതി നല്‍കിയിരുന്നു. 15 വര്‍ഷമായി ലുലു ഗ്രൂപ്പില്‍ ജോലിചെയ്യുകയായിരുന്ന മുഹമ്മദ് നിയാസിനെ കാണാതായതിനു പിന്നാലെയാണ് പരാതി നല്‍കിയത്. ഇതേസമയം തന്നെ അബൂദബിയില്‍ താമസിക്കുന്ന ഇയാളുടെ കുടുംബം നാട്ടിലേക്ക് പോയിരുന്നു.