ആസ്‌ത്രേലിയയില്‍ കാറും ട്രക്കും കൂട്ടിയിടിച്ച് തൃശൂര്‍ സ്വദേശികളായ അമ്മയും കുഞ്ഞും മരിച്ചു
ബ്രിസ്‌ബെയ്ന്‍: ആസ്‌ത്രേലിയയിലെ ന്യൂ സൗത്ത് വെയില്‍സി കാറും ട്രക്കും കൂട്ടിയിടിച്ച് തൃശൂര്‍ സ്വദേശികളായ അമ്മയും കുഞ്ഞും മരിച്ചു. തൃശൂര്‍ ചാലക്കുടി പോട്ട നടുക്കുന്ന് പെരിയച്ചിറ ചുള്ളിയാടന്‍ ബിബിന്റെ ഭാര്യ ലോട്‌സി(35)യും ആറു നയസ്സുള്ള മകളുമാണ് മരിച്ചത്. ബിബിനും മറ്റു രണ്ടു കുട്ടികള്‍ക്കും ഗുരുതരമായി പരുക്കേറ്റു. ഇന്ന് രാവിലെ 7.20നാണ് ന്യൂ സൗത്ത് വെയില്‍സിലെ ഓറഞ്ചില്‍ നിന്നു ക്വീന്‍സ്‌ലാന്‍ഡിലെ ബ്രിസ്‌ബെയ്‌നിലേക്കുള്ള യാത്രാമധ്യേ അപകടത്തില്‍പ്പെട്ടത്. കുടുംബം താമസം മാറിപോവുന്ന വഴിമധ്യേ മില്ലര്‍മാന്‍ ഡൗണ്‍സില്‍ ട്രക്കുമായി കൂട്ടിയിടിക്കുകയായിരുന്നു. ലോട്‌സിയും കുഞ്ഞും സംഭവസ്ഥലത്തു വച്ച് തന്നെ മരിച്ചു. പരിക്കേറ്റ ബിബിന്‍ തൂവൂമ്പയിലെ ആശുപത്രിയിലും രണ്ട് ആണ്‍കുട്ടികള്‍ ബ്രിസ്‌ബെയ്‌നില്‍ കുട്ടികളുടെ ആശുപത്രിയിലും ചികില്‍സയിലാണ്. ഒരു വര്‍ഷം മുമ്പ് ആസ്‌ത്രേലിയയിലെത്തിയ ലോട്‌സി ഓറഞ്ചില്‍ നഴ്‌സായി ജോലി ചെയ്തുവരികയായിരുന്നു. പുതിയ ജോലി ലഭിച്ചതിനെ തുടര്‍ന്ന് ബ്രിസ്‌ബെയ്‌നിലേക്കു താമസം മാറാനുള്ള യാത്രയ്ക്കിടെയാണ് അപകടമുണ്ടായത്.
Mother and child from Thrissur were killed in a car accident in Australia