യുകെയില്‍ കൊവിഡിന്റെ പുതിയ വകഭേദം വ്യാപിക്കുന്നു; 16 പേര്‍ക്ക് സ്ഥിരീകരിച്ചു
ലണ്ടന്‍: യുകെയില്‍ കൊവിഡിന്റെ പുതിയ വകഭേദം വ്യാപിക്കുന്നു. ഇതുവരെ 16 പേര്‍ക്ക് ബി.1.621 രോഗം സ്ഥിരീകരിച്ചു. ഇതേക്കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ലെന്നും കൂടുതല്‍ പഠനങ്ങള്‍ ആവശ്യമാണെന്നും പൊതുജനാരോഗ്യ വകുപ്പ് അറിയിച്ചു. പുതുതായി കണ്ടെത്തിയ വകഭേദത്തിന് വാക്‌സിന്‍ ഫലപ്രദമാണോയെന്ന കാര്യം പരിശോധന നടക്കുകയാണ്. ഇതിന്റെ അപകടാവസ്ഥയോ വ്യാപന ശേഷിയോ ഇപ്പോള്‍ പറയാനാവില്ലെന്നും അവര്‍ അറിയിച്ചു. യു.കെയില്‍ ആദ്യമായാണ് ബി.1.621 വകഭേദം സ്ഥിരീകരിക്കുന്നത്. ജനുവരിയില്‍ കൊളംബിയയില്‍ ഇതേ വകഭേദം സ്ഥിരീകരിച്ചിരുന്നു.
New variant of covid is spreading in the UK; Confirmed for 16 people