പാലക്കാട്: പട്ടാമ്പി നഗരസഭാ മുന്‍ ചെയര്‍മാനും പാലക്കാട് ഡിസിസി വൈസ് പ്രസിഡന്റുമായ കെഎസ്ബിഎ തങ്ങള്‍ എന്ന കോയ തങ്ങളകത്ത് സയ്യിദ് ആറ്റക്കോയ തങ്ങള്‍(65) അന്തരിച്ചു. പനി ബാധിച്ച് ആശുപത്രിയില്‍ പ്രവേശിപ്പിക്കപ്പെട്ട ഇദ്ദേഹത്തിന് പിന്നീട് ന്യൂമോണിയ സ്ഥിരീകരിച്ചിരുന്നു. ഞായറാഴ്ച വൈകീട്ട് മൂന്നരയോടെയാണ് മരണപ്പെട്ടത്. സാമൂഹിക, സാംസ്‌കാരിക, രാഷ്ട്രീയ, വിദ്യാഭ്യാസ മേഖലയില്‍ നിറസാന്നിധ്യമായിരുന്ന കെ എസ് ബി എ തങ്ങള്‍ പട്ടാമ്പി മുസ് ലിം എജ്യുക്കേഷന്‍ സൊസൈറ്റി(എംഇഎസ്) ചെയര്‍മാനാണ്. എംഇഎസ് സംസ്ഥാന എക്‌സിക്യുട്ടീവ് കമ്മിറ്റിയംഗമാണ്.