പടക്കം പൊട്ടി ആന ചെരിഞ്ഞത് മലപ്പുറം ജില്ലയിലല്ലെന്ന് ജില്ലാ കലക്ടര്‍
പാലക്കാട് ജില്ലയിലെ മണ്ണാര്‍ക്കാടിനടുത്താണ് അത്യന്തം ഭൗര്‍ഭാഗ്യകരവും ദാരുണവുമായ ഈ സംഭവം നടന്നതെന്ന് കലക്ടര്‍ വ്യക്തമാക്കി.
മലപ്പുറം: പടക്കം പൊട്ടി ഗര്‍ഭിണിയായ ആന ചെരിഞ്ഞ സംഭവം നടന്നത് മലപ്പുറം ജില്ലയിലാണ് എന്ന തരത്തില്‍ വ്യാജവാര്‍ത്തകള്‍ പ്രചരിക്കുന്നുണ്ടെന്ന് മലപ്പുറം ജില്ലാ കലക്ടര്‍ കെ ഗോപാലകൃഷ്ണന്‍. എന്നാല്‍ പാലക്കാട് ജില്ലയിലെ മണ്ണാര്‍ക്കാടിനടുത്താണ് അത്യന്തം ഭൗര്‍ഭാഗ്യകരവും ദാരുണവുമായ ഈ സംഭവം നടന്നതെന്ന് അദ്ദേഹം വ്യക്തമാക്കി.
കുറ്റക്കാരെ കണ്ടെത്തുന്നതിന് വനം - പോലിസ് വകുപ്പുകളും പാലക്കാട് ജില്ലാ ഭരണകൂടവും ക്രിയാത്മകമായ അന്വേഷണം നടത്തി വരികയാണ്. അന്വേഷണത്തിന് എല്ലാവിധ സഹകരണങ്ങളും മലപ്പുറം ജില്ലാ ഭരണകൂടത്തിന്റെ ഭാഗത്ത് നിന്നുമുണ്ടാകുമെന്നും ഇത്തരം സംഭവങ്ങള്‍ മലപ്പുറം ജില്ലയിലും നടക്കാതിരിക്കുന്നതിന് വേണ്ടിയുള്ള മുന്‍കരുതലുകളും സ്വീകരിക്കുമെന്നും അദ്ദേഹം വ്യക്തമാക്കി.