മംഗളൂരു: ക്ഷേത്രത്തിലെ ഭണ്ഡാരവും സമീപത്തെ വീട്ടിലെ ഇരുചക്രവാഹനവും മോഷ്ടിച്ച കേസില്‍ ബജ്‌റംഗ്ദള്‍ കണ്‍വീനറെ അറസ്റ്റ് ചെയ്തു. ഉനാലില്‍ നിന്ന് ബജ്‌റംഗ്ദള്‍ കണ്‍വീനറായ മോണ്ടെപാഡവിലെ താരാനാഥ് മോഹനനെ കോനാജെ പോലിസ് അറസ്റ്റ് ചെയ്തത്. മാര്‍ച്ച് ആറിന് രാത്രിയാണ് കേസിനാസ്പദമായ സംഭവം. മോണ്ടെപാഡവിലെ ഒരു വീട്ടില്‍ നിര്‍ത്തിയിട്ട ഇരുചക്ര വാഹനം താരനാഥ് മോഷ്ടിക്കുകയായിരുന്നു. സിസിടിവി ദൃശ്യങ്ങള്‍ പരിശോധിച്ചപ്പോഴാണ് താരനാഥ് മോഹന്‍ ആണെന്ന് സ്ഥിരീകരിച്ചത്. തുടര്‍ന്ന് പിറ്റേന്ന് രാത്രി അദ്ദേഹത്തിന്റെ വീട്ടിലേക്ക് പോയപ്പോള്‍ രക്ഷപ്പെടാന്‍ ശ്രമിച്ചെങ്കിലും നാട്ടുകാര്‍ പിന്തുടര്‍ന്ന് പിടികൂടി കോനാജെ പോലിസിന് കൈമാറുകയായിരുന്നു. മഞ്ജനാടി ക്ഷേത്രത്തിലെ ഭണ്ഡാരമാണ് മോഷ്ടിച്ചത്. പോലിസ് കേസ് രജിസ്റ്റര്‍ ചെയ്ത് അന്വേഷണം തുടങ്ങിയിട്ടുണ്ട്.
Temple Donation Box and Bike Theft Case: Bajrang Dal Convener Arrested