ചോദ്യങ്ങള്‍ക്ക് കൃത്യമായ മറുപടി ഇല്ല; എല്‍ദോസ് കുന്നപ്പിള്ളിയെ തിങ്കളാഴ്ച വീണ്ടും ചോദ്യം ചെയ്യും
തിങ്കളാഴ്ച വീണ്ടും ഹാജരാകാന്‍ എംഎല്‍എയ്ക്ക് നിര്‍ദേശം നല്‍കിയിട്ടുണ്ട്. എല്‍ദോസിന്റെ ഫോണും പാസ്‌പോര്‍ട്ടും പോലിസ് കസ്റ്റഡിയിലെടുത്തിട്ടുണ്ട്. അറസ്റ്റ് രേഖപ്പെടുത്തിയില്ല.
തിരുവനന്തപുരം: പീഡനക്കേസില്‍ പെരുമ്പാവൂര്‍ എംഎല്‍എ എല്‍ദോസ് കുന്നപ്പിള്ളിയുടെ ഇന്നത്തെ ചോദ്യം ചെയ്യല്‍ പൂര്‍ത്തിയായി. തിങ്കളാഴ്ച വീണ്ടും ഹാജരാകാന്‍ എംഎല്‍എയ്ക്ക് നിര്‍ദേശം നല്‍കിയിട്ടുണ്ട്. എല്‍ദോസിന്റെ ഫോണും പാസ്‌പോര്‍ട്ടും പോലിസ് കസ്റ്റഡിയിലെടുത്തിട്ടുണ്ട്. അറസ്റ്റ് രേഖപ്പെടുത്തിയില്ല.
ചോദ്യങ്ങള്‍ക്ക് എല്‍ദോസ് കൃത്യമായ മറുപടി നല്‍കുന്നില്ലെന്ന് ക്രൈംബ്രാഞ്ച് പറഞ്ഞു. 11 ദിവസമായി ഒളിവിലായിരുന്ന എംഎല്‍എ കഴിഞ്ഞ ദിവസമാണ് സ്വന്തം വീട്ടില്‍ തിരിച്ചെത്തിയത്.
പാസ്‌പോര്‍ട്ട് അന്വേഷണ സംഘത്തിനു കൈമാറണമെന്നും കേരളം വിട്ടു പോകരുതെന്നും അടക്കമുള്ള 11 നിബന്ധനകളോടെയാണ് അഡി. സെഷന്‍സ് കോടതി എല്‍ദോസിന് കഴിഞ്ഞ ദിവസം ജാമ്യം അനുവദിച്ചത്. ഇതിനു പിന്നാലെയാണ് ഒളിവിലായിരുന്ന എല്‍ദോസ് പെരുമ്പാവൂരിലെത്തിയത്.