വാഷിങ്ടണ്‍: യുഎസ് പ്രസിഡന്റ് തിരഞ്ഞെടുപ്പില്‍ ആദ്യ ഫലസൂചനകളില്‍ റിപ്പബ്ലിക്കന്‍ സ്ഥാനാര്‍ഥി ഡോണള്‍ഡ് ട്രംപ് മുന്നിലെന്ന് റിപോര്‍ട്ട്. കെന്റക്കി, ഇന്‍ഡ്യാന സംസ്ഥാനങ്ങളില്‍ ട്രംപ് മുന്നിലാണ്. വെര്‍മോണ്ടില്‍ കമല ഹാരിസാണ് മുന്നില്‍. 3 ഇലക്ടറല്‍ വോട്ട് ഇവിടെ കമല നേടി.
ഡോണള്‍ഡ് ട്രംപ് ഫ്‌ളോറിഡയിലെ പാംബീച്ചിലെ പോളിങ് ബൂത്തില്‍ വോട്ട് രേഖപ്പെടുത്തി. ഭാര്യ മെലാനിയ ട്രംപിനൊപ്പമെത്തിയാണ് അദ്ദേഹം വോട്ട് രേഖപ്പെടുത്തിയത്. തിരഞ്ഞെടുപ്പില്‍ വിജയിക്കുമെന്ന ആത്മവിശ്വാസമുണ്ടെന്ന് വോട്ട് രേഖപ്പെടുത്തിയശേഷം അദ്ദേഹം പ്രതികരിച്ചു.